تاجىكستان پرەزيدەنتى اقورداعا كەلدى
استانا. KAZINFORM - مەملەكەت باسشىسى قاسىم-جومارت توقايەۆ تاجىكستان پرەزيدەنتى ەمومالي راحموندى اقوردادا قارسى الدى.
مارتەبەلى مەيماننىڭ قۇرمەتىنە اسكەري اۋە كۇشتەرىنىڭ تىكۇشاقتارى قازاقستان مەن تاجىكستاننىڭ مەملەكەتتىك تۋلارىن جەلبىرەتىپ، اقوردا الدىنان ۇشىپ ءوتتى.
مارتەبەلى قوناق ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەدى. تاراپتار رەسمي دەلەگاتسيا مۇشەلەرىن ءبىر-
بىرىنە تانىستىردى. ودان كەيىن قۇرمەت قاراۋىلى روتاسىنىڭ كومانديرى سالتاناتتى راپورت بەردى.
پرەزيدەنتتىك وركەستر قازاقستان مەن تاجىكستاننىڭ مەملەكەتتىك ءانۇراندارىن ورىندادى.
قاسىم-جومارت توقايەۆ پەن ەمومالي راحمون كىلەمشە بويىمەن قازاقستاننىڭ مەملەكەتتىك تۋىنا قاراي ءجۇرىپ ءوتتى.
تۋ الدىنا كەلگەندە پرەزيدەنتتەر باس ءيىپ، رامىزگە قۇرمەت ءبىلدىردى. سودان سوڭ قاراۋىل ساپىنىڭ بويىمەن ءجۇردى.
وسىدان كەيىن كەڭەيتىلگەن قۇرامداعى كەلىسسوزدەر باستالدى. وندا تاراپتار ستراتەگيالىق ارىپتەستىك پەن وداقتاستىق قاتىناستاردى نىعايتۋ
ماسەلەلەرىن قاراستىرادى.
ايتا كەتەيىك، 5-7-قاراشا كۇندەرى مەملەكەت باسشىسىنىڭ شاقىرۋىمەن ەلىمىزگە تاجىكستان پرەزيدەنتى ەمومالي راحموننىڭ رەسمي ساپارى ءوتىپ جاتىر.
بۇعان دەيىن قاسىم-جومارت توقايەۆ تاجىكستان پرەزيدەنتىن ەلوردا اۋەجايىندا قارسى العان.
سونداي-اق، ە. راحمون استانادا وتكەن اقابا پروتسەسى سامميتىنە قاتىستى. بيىلعى سامميت «جاساندى ينتەللەكت سالاسىنداعى
قاۋىپسىزدىك» تاقىرىبىنا ارنالعان.
