تابىس سالىعى ەڭ جوعارى 10 ەل

استانا. قازاقپارات - ەگەر شەت مەملەكەتتە كاسىپكەرلىكپەن اينالىسقىڭىز كەلسە، ەڭ الدىمەن، ول ەلدەردىڭ تابىس سالىعىن زەرتتەپ الۋ قاجەت. كەيبىر ەلدەردە شەتەلدىكتەر مەن وتاندىق كاسىپكەرلەرگە تابىس سالىعى ءارتۇرلى تالاپپەن بەكىتىلەدى.

دەگەنمەن الەم ەلدەرىنىڭ اراسىندا تابىس سالىعى وتە جوعارى كورسەتكىشتە بەكىتىلگەن ون ەلدىڭ ءتىزىمىن بەرە الامىز. شەتەلدە كاسىپ اشقىڭىز كەلسە، بۇل ەلدەردى اينالىپ وتكەن ءجون بولادى.

العاشقى ورىن اربۋاعا تيەسىلى. مۇنداعى تابىس سالىعى 58 پايىزدى قۇرايدى ەكەن. ال جالاقى الاتىن ادامنىڭ الەۋمەتتىك سالىعى 27.5 پايىزدى قۇرايدى. ياعني مۇندا تەك دەمالۋ ءۇشىن عانا بارۋعا بولادى.

ەكىنشى ورىندا شۆەسيا - تابىس سالىعى 56.6 پايىز. بۇل ەلدەگى سالىقتىڭ كولەمى دە كاسىپكەر ادام ءۇشىن اۋىر تيەدى. الايدا سول سالىقپەن جينالعان اقشا ەلگە ءبىلىم بەرۋ سالاسىنداعى، دەنساۋلىق ساقتاۋ سالاسىنداعى ارزان نەمەسە تەگىن قىزمەت ارقىلى حالىققا قايتا تاراتىلادى. ءبىر جاعىنان، قاراپايىم شۆەسيالىقتار بۇل سالىقتىق جۇيەگە ريزا.

ءۇشىنشى ورىندا - دانيا. 2008-جىلعا دەيىن بۇل ەلدەگى تابىس سالىعى 62،3 پايىزدى قۇراعان بولاتىن، قازىر - 55 پايىز. ەكونوميكالىق الەۋەتى جاعىنان باقۋاتتى ەل بولسا دا، مۇندا ءتىپتى شىركەۋ دە كولەمدى سالىق تولەيدى. تابىس سالىعى بويىنشا ءتورتىنشى، بەسىنشى ورىندا نيدەرلاندى (52 پايىز) مەن بەلگيا (50 پايىز) تۇر. العاشقى وندىقتىڭ قاتارىنا اۆستريا (%50)، جاپونيا مەن فينليانديا (%49)، يرلانديا (%48) جانە ۇلى بريتانيا (%45) كىرەدى. ءبىر قىزىعى، كوپ ەلدەردىڭ شەتەلدىكتەرگە قاتىستى سالىقتارى جوعارى بولىپ جاتسا، ۇلى بريتانيادا كەرىسىنشە، شەتەلدىك كاسىپكەرلەرگە سالىق جەڭىلدەتىلەدى.