تابيعاتتىڭ توسىن مىنەزىنەن كاتونقاراعايدا اعاشتار قوپارىلىپ جاتىر

شىعىس قازاقستان وبلىسى كاتونقاراي اۋدانىنداعى ۇلتتىق پاركتە ەكى كۇن توقتاۋسىز جاۋعان قار ارالاس جاڭبىردان اعاشتار سىنىپ، تامىرىمەن قوپارىلىپ جاتىر، دەپ حابارلايدى قازاقپارات ءتىلشىسى.

Фото: видеодан кадр
Фото: видеодан кадр

قىركۇيەك ايىنىڭ 25-26 -كۇندەرى وبلىستا قار جاۋعان. ونىڭ ىشىندە كاتونقاراعاي ۇلتتىق پاركىندە ەكى كۇن بويى قار ارالاس جاڭبىر جاۋدى.

«سونىڭ سالدارىنان جاپىراقتارى ءالى ءتۇسىپ ۇلگەرمەگەن قايىڭ، كوكتەرەك اعاشتارى جاپپاي زاقىمدانىپ، بەل ورتاسىنان سىنىپ، تامىرىمەن قوپارىلدى. قازىرگى ۋاقىتتا قۇلاعان، سىنعان اعاشتاردان جولداردى اشۋ جانە ەسەپكە الۋ جۇمىستارى جۇرگىزىلىپ جاتىر»، - دەپ حابارلادى ۇلتتىق پاركتەن.

ەسكە سالساق، وسىعان دەيىن مارقاكولدە ەكى كۇن قار جاۋىپ، ونىڭ قالىڭدىعى 30 س م جەتكەن بولاتىن.

بۇل وڭىردەگى العاشقى قار ەمەس. تامىز ايىنىڭ ورتاسىندا كاتونقاراعاي اۋدانىنداعى التاي تاۋىنىڭ ەڭ بيىك نۇكتەسى مۇزتاۋ شىڭىنا قار تۇسكەن بولاتىن.

اۆتور

تالعاتجان مۇحامەتبەك ۇلى

سوڭعى جاڭالىقتار