تاپانشامەن قورقىتتى: الماتىدا ايەلدى توناپ كەتكەن كۇدىكتى ۇستالدى
الماتى. KAZINFORM - پوليتسەيلەر كوشەدە ايەلگە شابۋىل جاساعان 39 جاستاعى ەر ادامدى ۇستادى.
پوليتسيا دەپارتامەنتىنەن ءمالىم ەتكەندەي، قىلمىس بۇگىن ەرتەڭگىسىن المالى اۋدانىندا بولدى. تۇرعىن ءۇيدىڭ اۋلاسىندا بەلگىسىز ەر ادام ايەلدى تاپانشامەن قورقىتىپ، 400 مىڭ تەڭگەسىن الىپ كەتكەن.
«كۇدىكتى ءوزىنىڭ بەتىن شارفپەن جاپقان. قىلمىس جاساعاننان كەيىن ول قاشىپ كەتكەن. دەرەۋ تەرگەۋ- جەدەل توبى قۇرىلىپ، جەدەل- ىزدەستىرۋ شارالارى ۇيىمداستىرىلدى. تۇسكە قاراي 39 جاستاعى كۇدىكتى ۇستالدى. ارنايى ءىس- شارا قالا ورتالىعىندا، ابىلاي حان داڭعىلىنىڭ بويىندا جۇرگىزىلدى. قاسكويدىڭ شابۋىلدى جوسپارلاعانى جانە ۇلكەن پايداعا ۇمىتتەنگەنى بەلگىلى بولدى. قازىر ول قاماۋعا الىنىپ، گاز تاپانشاسى تاركىلەندى»، - دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
وسىعان دەيىن الماتىدا بەينەكامەرالاردىڭ كومەگىمەن 2 مىڭنان استام قىلمىس اشىلعانى تۋرالى جازعان ەدىك.
اۆتور
الما مۇقانوۆا
