21:29, 13 - قاڭتار 2025 | GMT +5
تۋۋ تۋرالى كۋالىكتى بانكتەردىڭ پوستاماتىنان الۋعا بولادى
استانا. KAZINFORM - ەندى قازاقستاندىقتار تۋۋ تۋرالى كۋالىكتى حالىققا قىزمەت كورسەتۋ ورتالىعىنا بارماي الا الادى.
ادىلەت مينيسترلىگى، سيفرلىق دامۋ، يننوۆاتسيالار جانە ايروعارىش ونەركاسىبى مينيسترلىگىمەن بىرلەسىپ ەكىنشى دەڭگەيلى بانكتىڭ پوستاماتتارى ارقىلى كۋالىك جەتكىزۋدىڭ پيلوتتىق جوباسىن ىسكە قوسپاق.
اتاپ ايتقاندا، ا ح ا ت ورگاندارى بەرگەن قۇجاتتار بويىنشا ەلەكتروندىق اپوستيل قولدانىسىن دامىتۋ جوسپارلانۋدا. سونداي-اق مينيسترلىك اتقارۋشىلىق جازبا جاساۋ جونىندەگى جوبانى ىسكە قوسۋدى كوزدەپ وتىر. بۇل باستامالار مەملەكەتتىك قىزمەتتەردى سيفرلاندىرۋ دەڭگەيىن ارتتىرىپ، بيۋروكراتيالىق راسىمدەردى قىسقارتۋعا جانە ازاماتتارعا قىزمەت كورسەتۋ ساپاسىن جاقسارتۋعا باعىتتالعان.
