سيەتل سوتى ترامپتىڭ جارلىعىن ورىنداۋدى ۋاقىتشا توقتاتىپ قويدى
استانا. قازاقپارات - سيەتلدەگى فەدەرالدىق سوت ا ق ش پرەزيدەنتىنىڭ جارلىعىن ورىنداۋعا اسىقپادى. بۇعان دەيىن دونالد ترامپ امەريكادا تۋعان شەتەلدىك بالالارعا ازاماتتىق بەرۋگە تىيىم سالۋ تۋرالى جارلىق شىعارعان.

سيەتل سوتى اق ءۇي باسشىسىنىڭ بۇل شەشىمى كونستيتۋتسياعا قايشى كەلەتىنىن العا تارتادى. ەسكە سالا كەتەيىك، 22 ايماقتىڭ پروكۋرورلارى ءدال وسى جارلىققا شاعىمدانعان بولاتىن.
ولار: «ازاماتتىق الۋ قۇقىعىن جارلىقپەن جويۋعا بولمايدى، سەبەبى ول كونستيتۋتسيادا بەكىتىلگەن»، - دەيدى. ال ترامپ بولسا اناسى ا ق ش-قا زاڭسىز نەمەسە تۋريستىك، ستۋدەنتتىك، جۇمىس ۆيزاسىمەن كەلسە، ءارى اكەسى ا ق ش ازاماتى بولماسا، مۇنداي بالالارعا ازاماتتىق بەرۋگە بولمايدى دەپ ەسەپتەيدى. بۇعان دەيىن ا ق ش-تا تۋعان كەز كەلگەن ءسابي وسى مەملەكەتتىڭ ازاماتى اتاناتىن. ا ق ش پرەزيدەنتى «كوپتەگەن كەلىمسەكتەر وسى ەرەجەنى پايدالانۋ ءۇشىن امەريكاعا ادەيى كەلەدى» دەگەن ويدا.
24.kz