سيرەك كەزدەسەتىن بۇكتەمەلى دومبىرا - پەتروپاۆلعا پاۆلودار ءوڭىرىنىڭ كورمەسى كەلدى

پەتروپاۆل. KAZINFORM - سولتۇستىك قازاقستان وبلىستىق تاريحي- ولكەتانۋ مۋزەيىنىڭ 100 جىلدىق مەرەيتويىنا وراي پەتروپاۆلدا «تاۋ تۇلعالارعا تۇعىر بولعان قاسيەتتى پاۆلودار ءوڭىرى» اتتى كورمە جۇمىس ىستەپ جاتىر.

бүктелетін
Фото: Kazinform

جوبا اياسىندا كەرەكۋ وڭىرىنەن س ق و- مەن بايلانىستىراتىن قۇندى دۇنيەلەر - 100-گە جۋىق جادىگەر اكەلىنگەن.

س ق و تاريحي- ولكەتانۋ مۋزەيىندە اشىلعان كورمەگە گريگوريي پوتانين اتىنداعى پاۆلودار وبلىستىق تاريحي- ولكەتانۋ مۋزەيىنىڭ جانە مايرا شامسۋتدينوۆا اتىنداعى ءان- ونەر شىعارماشىلىعى مۋزەي ءۇيىنىڭ جادىگەرلەرى - ەلگە تانىمال تۇلعالاردىڭ جەكە زاتتارى مەن قۇجاتتارى اكەلىندى.

Петропавлға Павлодар өңірінің көрмесі келді
Фото: Kazinform

كورمەگە قويىلعان ەكسپوناتتاردىڭ قاتارىندا مۇسا شورمانوۆتىڭ شام ۇستاعىشى، وسى وڭىردەن شىققان ءانشى- سازگەرلەردىڭ دومبىرالارى، شاكەن ايمانوۆتىڭ ساحنالىق كوستيۋمدەرى، مايرا ءۋالي قىزى ۇستاعان مۋزىكالىق اسپاپقا ۇقساس - «تاليانكا» سىرنايى، حالىق ءانشىسى- سازگەردىڭ قامزول- شاپانى بار.

Петропавлға Павлодар өңірінің көрмесі келді
Фото: Kazinform

«ەكى ەلدىڭ تاريحي تۇلعالارى اراسىنداعى مادەني بايلانىس سوناۋ ەرتەدەن باستالعان. ءبىزدىڭ وڭىردەن شىققان كينورەجيسسەر شاكەن ايمانوۆتى سەمەي قالاسىنان عابيت مۇسىرەپوۆ الماتىعا اپارىپ، جۇلدىزىن جاققان. جاياۋ مۇسا دا قىزىلجاردا تۇرعان، كەيىن ومبىعا بارعان. قۇدايبەرگەن السەيىتوۆ تە قىزىلجاردا بولعان، ۇكىلى ىبىرايدان ءتالىم- تاربيە العان. وسى ۇكىلى ىبىرايدىڭ جەلدىرمە جانرىن پاۆلودارعا اپارعان وسى قۇدايبەرگەن اقىن. ەستاي بەركىمبايەۆ تا وسى جاقتا اقان سەرى، بىرجاندارمەن بىرگە ءجۇرىپ، ءوزىنىڭ كومپوزيتورلىق قابىلەتىن شىڭداعان ادام. سول مادەني بايلانىسىمىزدى ءبىز جالعاستىرايىق دەپ، پاۆلودار وڭىرىنەن شىققان ايگىلى تۇلعالاردى تانىستىرايىق، كورسەتەيىك دەگەن نيەتپەن كورمەنى اكەلىپ وتىرمىز»، - دەيدى م. شامسۋتدينوۆا اتىنداعى ءان-ونەر شىعارماشىلىعى مۋزەي ءۇيىنىڭ باسشىسى ەرلان راحيموۆ.

Петропавлға Павлодар өңірінің көрмесі келді
Фото: Kazinform

ەرەكشە جادىگەرلەردىڭ ءبىرى - ايتىسكەر اقىن قۇدايبەرگەن السەيىتوۆتىڭ جينالمالى «تۇمار» دومبىراسىنىڭ ءتۇپنۇسقاسى. كورمەنى ۇيىمداستىرۋشىلاردىڭ ايتۋىنشا، قۇندى دۇنيەنى قۇدايبەرگەن السەيىتوۆتىڭ جيەنى امانگەلدى ۋاقپايەۆ مۋزەيگە تاپسىرعان ەكەن. ارنايى تاپسىرىسپەن جاسالعان دومبىرا ەكىگە بۇكتەلەدى، سول سەبەپتى دە الىپ جۇرۋگە ىڭعايلى بولعان.

Петропавлға Павлодар өңірінің көрмесі келді
Фото: Kazinform

پاۆلوداردان اكەلىنگەن كورمە س ق و تاريحي- ولكەتانۋ مۋزەيىندە ءبىر ايعا جۋىق جۇمىس ىستەيدى. كەيىن وسى جوبا اياسىندا قوستاناي وبلىسىنىڭ، تاراز، قىزىلوردا قالالارىنىڭ مۋزەيلەرى پەتروپاۆل قالاسىندا وسىنداي كورمەلەر ۇيىمداستىرماق.

اۆتور

اقەركە داۋرەنبەك قىزى

سوڭعى جاڭالىقتار