ەسىل وزەنىمەن وتەتىن LRT اسپالى كوپىرىنىڭ قۇرىلىسى اياقتالدى
استانا. KAZINFORM - استاناداعى LRT قۇرىلىسى اياسىندا جۇزەگە اسىرىلعان ەسىل وزەنى ارقىلى وتەتىن اسپالى كوپىردىڭ قۇرىلىسى اياقتالدى.
بۇل تۋرالى City Transportation Systems كومپانياسىنان ءمالىم ەتتى.
كومپانيا مالىمەتىنشە، كوپىردىڭ ۇزىندىعى - 155 مەتر، ەنى - 14 مەتر، بيىكتىگى - 28 مەتر.
قۇرىلىمنىڭ تومەنگى جاعىندا LRT كولىگى وتەتىن جولاعى بار اركا تۇرىندە جاسالعان. ال ارالىق دوعاسى بايلاۋ شىبىقتارىمەن جابدىقتالعان.
«جول توسەمى تەمىربەتون تاقتاسى بار ارقالىق تور تۇرىندە جاسالعان. كوپىر ەسىل وزەنى ۇستىندەگى قولدانىستاعى اۆتوكوپىردىڭ جانىندا ورنالاسقان. بۇل جاڭا نىساندى قالا ينفراقۇرىلىمىنا كەدەرگىسىز سالۋعا مۇمكىندىك بەرەدى. قۇرىلىم سۋ دەڭگەيىنىڭ جانە ايماقتىڭ كليماتتىق جاعدايىنداعى ىقتيمال وزگەرىستەرگە توتەپ بەرۋ ءۇشىن وزەننىڭ ەرەكشەلىكتەرىن ەسكەرە وتىرىپ جوبالانعان»، - دەلىنگەن تاراتىلعان اقپاراتتا.
اۆتور
مارلان جيەمباي
