پسيحولوگتار ادامنىڭ جەكە ومىرىندەگى باقىتسىزدىقتىڭ سىرىن اشتى

استانا. قازاقپارات - ا ق ش پسيحولوگتارىنىڭ زەرتتەۋىنە قاراعاندا، جەكە ومىردەگى ساتسىزدىكتەر (ومىرلىك سەرىگىن دۇرىس تاڭداي الماۋى، جالعىزدىق) ادامنىڭ وتباسى مۇشەلەرىمەن ءوزارا قارىم-قاتىناسىنا بايلانىستى ەكەن.

 ساراپشىلار 15 جىل بويى 2970 جاسوسپىرىم تۋرالى مالىمەتتەردى جيناقتاعان. وسى ۋاقىت ىشىندە بۇل بوزبالالار مەن بويجەتكەندەر ەرجەتىپ، وتباسىن قۇرعان.

اتاپ ايتقاندا، ەرتە جاسىنان اتا-اناسىمەن تۇسىنىستىكتە بولعان بالالاردىڭ وتباسىلىق ومىرىندە ەشقانداي پروبلەما بايقالماعان. ال بالالىق شاعىندا اتا-اناسىمەن سىيلاستىق بولماعانداردىڭ جەكە وتباسىندا دا قارىم-قاتىناس قيىن قالىپتاسقان.

پسيحولوگتاردىڭ پايىمىنشا، اتا-اناسى مەن جاسوسپىرىمدەر اراسىنداعى قارىم-قاتىناستىڭ بەيبىت نەمەسە جەلىكپەلى بولۋى بالالارىنىڭ 15 جىلدان كەيىنگى ومىرىندە دە ولاردىڭ رومانتيكالىق قاتىناستارىنىڭ ءساتتى قالىپتاسۋىنا ىقپال ەتەدى.

وسى ورايدا، ماماندار بالالىق شاقتا ادام اتا-اناسىمەن قالاي سىيلاسىپ ۇيرەنسە، ول وزگە ادامدارمەن قاتىناستاردا ءوزىن سولاي كورەدى دەپ تۇسىندىرەدى. ياعني، ادامدار رومانتيكالىق قارىم-قاتىناستارىن جاس كەزىندە قالىپتاسقان سانا-سەزىممەن قۇرادى جانە ونى وزگەرتۋگە قاۋقارسىزدىق تانىتادى، دەپ جازادى روسبالت.

اۆتور: رۋسلان