سوت شەشىمى: ترامپ AP جۋرناليسىن اق ۇيگە كىرگىزبەۋگە قۇقىلى

ۆاشينگتون. KAZINFORM - ا ق ش- تىڭ اپەللياتسيالىق سوتى دونالد ترامپتىڭ Associated Press (AP) اگەنتتىگىنىڭ جۋرناليستەرىن اق ءۇي مەن پرەزيدەنتتىك ۇشاققا ۋاقىتشا كىرگىزبەۋىنە رۇقسات بەردى، دەپ جازادى DW.

بۇل شەشىم 6 -ماۋسىم كۇنى كەشكە جاريالاندى.

سوت اق ءۇي اكىمشىلىگىنىڭ شاعىمىن قاناعاتتاندىرىپ، تومەنگى ينستانتسيانىڭ بۇيرىعىن ۋاقىتشا توقتاتتى. ترامپ بۇل شەشىمدى Truth Social جەلىسىندە «AP- كە قارسى ۇلكەن جەڭىس» دەپ اتادى.

داۋدىڭ تۋىنداۋىنا AP اگەنتتىگىنىڭ مەكسيكا شىعاناعىن ترامپتىڭ جارلىعىنداعىداي «امەريكالىق شىعاناق» دەپ اتاۋدان باس تارتۋى سەبەپ بولعان. وسىدان كەيىن اق ءۇي اگەنتتىك تىلشىلەرىن Oval Office, Air Force One جانە ترامپتىڭ جەكە رەزيدەنسياسى - مار-ا-لاگوعا كىرگىزبەي قويعان. AP سوتقا جۇگىندى، ءبىراق ازىرگە جەڭىلىس تاپتى.

سوت اق ءۇيدىڭ باسپا ءسوز بوستاندىعىنا زيان كەلتىرمەي، پرەزيدەنتتىڭ جۇمىس كەڭىستىگىن باسقارۋ قۇقىعىن ساقتاۋى ماڭىزدى ەكەنىن اتاپ ءوتتى. دەگەنمەن، اگەنتتىككە اق ءۇيدىڭ شىعىس زالىنداعى رەسمي شارالارعا قاتىسۋعا رۇقسات ساقتالادى.

ترامپ اكىمشىلىگىنىڭ بۇل شەشىمى ەۋروپا اگەنتتىكتەرى مەن قۇقىق قورعاۋشىلار تاراپىنان قاتتى سىنعا ۇشىرادى. ولار مۇنى باسپا ءسوز ەركىندىگىنە جاسالعان قىسىم دەپ باعالاۋدا.

بۇعان دەيىن ترامپ دىبىستان جىلدام اۆياتسيانى دامىتۋ تۋرالى جارلىققا قول قويعانىن جازدىق.