11:17, 11 - مامىر 2024 | GMT +6
سولتۇستىك وبلىستاردا اسپان قىزعىلت-جاسىل تۇسكە بويالدى
استانا. KAZINFORM - كۇن ساۋلەسىندەگى سوڭعى بەلسەندىلىك قازاقستاننىڭ سولتۇستىك ەندىكتەرىندە سولتۇستىك شۇعىلاسىنىڭ جاڭا تولقىنىن تۋدىردى. قوستاناي وبلىسىنىڭ تۇرعىندارى ءتۇرلى فوتوسۋرەتتەردى ءبولىستى.
اسپاننىڭ اشىق قىزعىلت، جاسىل تۇسكە بويالعانىن اسىرەسە سارىكول، قوستاناي، ليساكوۆسك اۋداندارىنىڭ تۇرعىندارى بايقادى.
ايتا كەتەيىك، قوستانايلىقتار بۇعان دەيىن دە ەرەكشە قۇبىلىستىڭ كۋاسى بولعان ەدى. وتكەن جىلدىڭ قاراشا ايىندا دا قوستاناي اسپانىن قىزىل- جاسىل گراديەنت جاۋلاعان.
تۇرعىنداردىڭ ءبىرى الەۋمەتتىك جەلىدە تاڭدانىسىن بىلدىرسە، ەندى بىرەۋلەرى قورىققاندارىن جازعان ەدى.
بۇل قۇبىلىستى سونىمەن قاتار پاۆلودار، اقمولا وبلىستارى مەن استانا ماڭىندا تۇراتىندار دا بايقاعان.
بۇعان دەيىن عالىمدار كۇننىڭ قۋاتتى جارقىلىن تىركەگەن ەدى.
اۆتور
ەركەجان سماعۇلوۆا
