سەرىك ساپيەۆ قازاقستانداعى لەگيونەر سپورتشىلارعا قاتىستى پىكىر ءبىلدىردى
استانا. KAZINFORM - لوندون وليمپياداسىنىڭ چەمپيونى سەرىك ساپيەۆ الەمدىك دودالاردا ەلىمىزدىڭ نامىسىن قورعايتىن شەتەلدىك سپورتشىلاردى ساتىپ الۋعا قاتىستى ويىن ايتتى.
«لەگيونەرلەر بويىنشا بۇل ءار مەملەكەتتە بار پراكتيكا. ءار ەلدە لەگيونەرلەرگە كوڭىلى كونشىمەيتىندەر تابىلادى. ارينە، ءوز سپورتشىلارىمىزدى دايىنداۋىمىز كەرەك. قاجەت جاعدايدا شەتەلدەن تاجىريبەلى جاتتىقتىرۋشىلاردى تارتىپ، ولاردان ۇيرەنىپ، ءوز سپورتشىلارىمىزدى دايارلاۋ قاجەت»، - دەدى سەرىك ساپيەۆ ەلوردادا پاريج وليمپياداسىنىڭ بوكستان كۇمىس جۇلدەگەرى نۇربەك ورالبايدى قارسى الۋ ساتىندە ب ا ق وكىلدەرىنىڭ ساۋالىنا جاۋاپ بەرە تۇرىپ.
ايتا كەتەيىك، لوندون وليمپياداسىنىڭ چەمپيونى سەرىك ساپيەۆ پاريج وليمپياداسىنا قازاق بوكسشىلارىن ارنايى قولداپ بارعانى تۋرالى حابارلاعان ەدىك.
بۇگىن تاڭەرتەڭ استانالىقتار وليمپيادا جۇلدەگەرى نۇربەك ورالبايدى قارسى الدى. ەلوردا اۋەجايىنا بوكسشىنىڭ جاقىندارى، جانكۇيەرلەر جانە ب ا ق وكىلدەرى جينالدى.
اۆتور
داۋلەت ىزتىلەۋ
