سەرىك بورامبايەۆ اسكەري-تەڭىز كۇشتەرىنىڭ باس قولباسشىسى لاۋازىمىنا تاعايىندالدى

Жарлық
Фото: Kazinform

استانا. KAZINFORM - مەملەكەت باسشىسىنىڭ وكىمىمەن سەرىك جاقسىعالي ۇلى بورامبايەۆ قازاقستان رەسپۋبليكاسىنىڭ قارۋلى كۇشتەرى اسكەري-تەڭىز كۇشتەرىنىڭ باس قولباسشىسى لاۋازىمىنا تاعايىندالدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

سەرىك جاقسىعالي ۇلى كيەۆ جوعارعى اسكەري-تەڭىز پوليتەحنيكالىق ۋچيليشەسىنىڭ، ق ر ر ف اسكەري ۋنيۆەرسيتەتىنىڭ، ق ر ر ف اسكەري ۋنيۆەرسيتەتى جانىنداعى اديۋنكتۋراسىنىڭ، ق ر ۇلتتىق قورعانىس ۋنيۆەرسيتەتى جانىنداعى اكادەميالىق كۋرستاردىڭ تۇلەگى.

Serik Burambayev
Photo credit: azh.kz

سەرىك بورامبايەۆ قىزمەت جولىن كاسپي فلوتىنىڭ كورابلدەر كۇزەتى ديۆيزيونى ساياسي ءبولىمنىڭ كومسومولدىق جۇمىستار جونىندەگى باستىعىنىڭ كومەكشىسىنەن باستاعان. ءار ءتۇرلى جىلدارى اتىراۋ وبلىستىق اسكەري كوميسسارياتىندا اسكەري-تەڭىز ينستيتۋتى باستىعىنىڭ ورىنباسارى، ق ر ق ك اسكەري-تەڭىز باس قولباسشىسىنىڭ ورىنباسارى قىزمەتىن اتقاردى.

سونداي-اق، بۇگىن مەملەكەت باسشىسىنىڭ وكىمىمەن ساكەن مانسۇر ۇلى بەكجانوۆ قازاقستان رەسپۋبليكاسىنىڭ قارۋلى كۇشتەرى اسكەري-تەڭىز كۇشتەرىنىڭ باس قولباسشىسى لاۋازىمىنان بوساتىلدى.

اۆتور

باقىتگۇل اباي قىزى

سوڭعى جاڭالىقتار