سەرگەي شويگۋ رەسەي قاۋىپسىزدىك كەڭەسىنىڭ حاتشىسى بولىپ تاعايىندالدى

استانا. KAZINFORM - رەسەي پرەزيدەنتى ۆلاديمير پۋتين نيكولاي پاترۋشيەۆتى رەسەي قاۋىپسىزدىك كەڭەسىنىڭ حاتشىسى قىزمەتىنەن بوساتتى، دەپ جازادى ت ا س س.

ۆلاديمير پۋتين سەرگەي شويگۋدى رەسەي قاۋىپسىزدىك كەڭەسىنىڭ حاتشىسى ەتىپ تاعايىندادى.

سەرگەي كۋجۋگەتوۆيچ شويگۋ 1955 -جىلى 21-مامىردا تۋۆا ا ك س ر، چادان قالاسىندا (قازىرگى رەسەي فەدەراتسياسى، تىۆا رەسپۋبليكاسى) دۇنيەگە كەلگەن.

1977 -جىلى كراسنويارسك پوليتەحنيكالىق ينستيتۋتىن (قازىرگى ءسىبىر فەدەرالدى ۋنيۆەرسيتەتىنىڭ قۇرامىندا) ينجەنەر- قۇرىلىسشى ماماندىعى بويىنشا بىتىرگەن.

ەكونوميكا عىلىمدارىنىڭ كانديداتى. 1996 -جىلى رەسەي فەدەراتسياسى پرەزيدەنتى جانىنداعى مەملەكەتتىك قىزمەت اكادەمياسىندا (قازىرگى ر ف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسى) «الەۋمەتتىك-ەكونوميكالىق زياندى ازايتۋ ماقساتىندا توتەنشە جاعدايلاردى بولجاۋ كەزىندە مەملەكەتتىك باسقارۋدى ۇيىمداستىرۋ: جەر سىلكىنىسى مىسالىندا» تاقىرىبىندا ديسسەرتاتسيا قورعادى.

رەسەي پرەزيدەنتى بۇعان دەيىن سەرگەي شويگۋ بولعان قورعانىس ءمينيسترى لاۋازىمىنا اندرەي بەلوۋسوۆتىڭ كانديداتۋراسىن ۇسىندى. بۇل تۋرالى فەدەراتسيا كەڭەسىنىڭ Telegram-كانالىنداعى حابارلامادا ايتىلعان. بۇرىنعى ۇكىمەتتە بەلوۋسوۆ پرەمەر-ءمينيستردىڭ ءبىرىنشى ورىنباسارى قىزمەتىن اتقارعان.

65 جاستاعى بەلوۋسوۆ ءار ۋاقىتتا مەملەكەت باسشىسى ۆلاديمير پۋتيننىڭ ەكونوميكالىق ماسەلەلەر جونىندەگى كومەكشىسى، رەسەي فەدەراتسياسىنىڭ ەكونوميكالىق دامۋ ءمينيسترى، ر ف ۇكىمەتىنىڭ ەكونوميكا جانە قارجى دەپارتامەنتىنىڭ ديرەكتورى، ماكروەكونوميكالىق تالداۋ جانە قىسقا مەرزىمدى بولجاۋ ورتالىعىنىڭ باس ديرەكتورى، 1981-2006 -جىلدارى رەسەي عىلىم اكادەمياسىندا جۇمىس ىستەدى.

اۆتور

ەركەجان سماعۇلوۆا