سەناتورلار پويىزدار كەشىككەندە وتەماقى بەرۋدى اۆتوماتتاندىرۋدى ۇسىندى
استانا. قازاقپارات - دەپۋتات ارمان وتەعۇلوۆ وتاندىق تەمىرجول سالاسىنداعى نەگىزگى پروبلەمالاردى كوتەرىپ، پرەمەر-مينيسترگە دەپۋتاتتىق ساۋال جولدادى، دەپ حابارلايدى 24kz.

قازىرگى تاڭدا جولاۋشىلار ۆاگوندارىنىڭ %35- نىڭ توزىعى جەتكەن. ولاردىڭ قولدانىسقا ەنگەنىنە 25 جىلدان اسقان. 2023 -جىلى وبلىسارالىق باعىتتاردا تەمىرجول جولاۋشىلار تاسىمالىن سۋبسيديالاۋعا 49 ميلليارد تەڭگە ءبولىندى. بيۋدجەتتىك باعدارلاما اياسىندا 62 مارشرۋت قارجىلاندىرىلدى.
«ءبىراق مەملەكەتتەن سۋبسيديا الىپ وتىرعان كەيبىر كومپانيالار ءوز مىندەتىن تولىققاندى ورىندامايدى»، - دەيدى دەپۋتات.
جالپى ەلىمىزدە جولاۋشىلار تاسىمالىن ءبىر ۇلتتىق 13 جەكە كومپانيا جۇرگىزەدى. بىلتىر وسىنداي كومپانيالاردىڭ تابىسى 120 ميلليارد تەڭگەدەن اسقان. ونىڭ 108 ميلليارد تەڭگەسى جەكەمەنشىك تاسىمالداۋشىلارعا تيەسىلى.
ارمان وتەعۇلوۆ، ق ر پارلامەنتى سەناتىنىڭ دەپۋتاتى:
- «سارى ارقا» ج ش س تاسىمالى كومپانياسى جەكە تۇلعادان مەملەكەتتىك مەنشىككە قايتارۋ. ەكىنشىدەن، رەسپۋبليكادان ءبولىنىپ جاتقان 140 ۆاگوندى ورال باعىتىنا دا جاڭا ۆاگوندى ءبولۋدى تاپسىرۋ. پويىزدار كەشىككەن جاعدايدا وتەماقى قايتارۋ پروتسەسىن اۆتوماتتاندىرۋ جانە ونىڭ مولشەرىن كوبەيتۋدى قاراستىرۋ. ول ءوز كەزەگىندە جاۋاپكەرشىلىكتى كۇشەيتىپ، سەبەپسىز كەشىگۋدىڭ الدىن العان بولار ەدى.