سۋدا قالىپ قويعان 65 جىلقى قۇتقارىلدى
قىزىلوردا. KAZINFORM - قىزىلوردالىق قۇتقارۋشىلار اتىراۋ وبلىسىندا جايىق وزەنىندەگى مول سۋدىڭ سالدارىنان ارالدا قالىپ قويعان 65 جىلقىنى قاۋىپسىز جەرگە شىعاردى.
وقيعا كەشە، 5-مامىردا اتىراۋ وبلىسى يندەر اۋدانىنا قاراستى ەسبول اۋىلى اۋماعىندا بولعان.
جايىق وزەنىندەگى مول سۋدىڭ سالدارىنان ارالدا قالىپ قويعان 65 جىلقى قۇتقارىلعان.
«وقيعاعا بايلانىستى حابار تۇسكەننەن كەيىن قىزىلوردا وبلىستىق توتەنشە جاعدايلار دەپارتامەنتىنىڭ قۇتقارۋشىلارى دەرەۋ جەتتى. سول اۋماقتا بەس ءۇيىر جىلقىنىڭ جۇرگەنى انىقتالدى. ولاردىڭ سانى 65 باستى قۇرايدى. ۇرلەمەلى قايىقتىڭ كومەگىمەن بەس قۇتارۋشى جىلقىلاردى قاۋىپسىز جاعالاۋعا شىعاردى»، - دەيدى قىزىلوردا وبلىسى ت ج د جەدەل قۇتقارۋ جاساعىنىڭ سۇڭگۋىرلىك بولىمشەنىڭ جەتەكشىسى رولان ءابدىحالىقوۆ.
دەپارتامەنتتىڭ مالىمەتىنە سۇيەنسەك، سۋ تاسقىنى بولعان ايماقتاردا قىزىلوردالىق 98 قۇتقارۋشى تاۋلىك بويىنا قىزمەت اتقارىپ كەلەدى.
بۇگىنگە دەيىن ولار قوستاناي، اقتوبە، باتىس قازاقستان وبلىستارىندا قۇتقارۋ جۇمىستارىنا بەلسەنە قاتىستى.
اۆتور
ءادىلجان ۇمبەت
