سايابەك ساحيەۆ: ا ە س قالدىقتارىن وڭدەيتىن جوبامىزدى تۇركيا پاتەنتتەپ الۋى مۇمكىن

استانا. KAZINFORM - «يادرولىق فيزيكا ينستيتۋتى» رەسپۋبليكالىق مەملەكەتتىك كاسىپورنىنىڭ باس ديرەكتورى سايابەك ساحيەۆ قازاقستاندىق عالىمدار ا ە س قالدىقتارىن وڭدەيتىن جوباعا تۇركيالىق كومپانيا قۇدا ءتۇسىپ وتىرعانىن ءمالىم ەتتى.

- ءبىزدىڭ ءبىر جوبامىز - يادرولىق اتوم ەلەكتر ستانسالارىنان قالعان قالدىقتاردى وڭدەۋ جوباسى. قازىر بۇل الەمدە تەك فرانسيا مەن رەسەيدىڭ قولىنان عانا كەلەدى. وسى تەحنولوگيا ءبىزدىڭ عالىمداردىڭ دا قولىنان كەلەدى. ءبىراق وعان قارجى كەرەك، - دەدى ول سەناتتاعى كەزدەسۋدە.

ايتۋىنشا، اتالعان جوبانىڭ ەڭ باستاپقى كەزەڭىنە عانا 2 ميلليون دوللار قاجەت.

- وعان قازىر تۇركيالىق كومپانيا 3 ميلليون دوللار بولۋگە دايىن وتىر. ءبىراق ونىڭ ءوز كەدەرگىسى بار. ويتكەنى ەرتەڭ پاتەنتىن وزدەرىنە مەنشىكتەۋدى تالاپ ەتەدى. ەكى ورتادا بۇكىل زەرتتەۋلەرىمىزدى تۇركياعا بەرىپ قويۋىمىز مۇمكىن، - دەدى عالىم.

سايابەك ساحيەۆ بۇل جوبانىڭ باسقا ەلدەردەگى بالاماسى 140 ميلليون دوللار تۇراتىنىن اتاپ ءوتتى.

- تۋرا وسى ءوندىرىستى جاساپ بەرۋگە ارگەنتينا INVAP دەگەن كومپانياسى 140 ميلليون دوللار سۇراپ وتىر. ال ءبىز وسى تەحنولوگيانى ءوزىمىز ۇسىنا الامىز. عىلىم قورىنا بەرىلىپ وتىرعان 300 ميلليون تەڭگە وعان جەتپەيدى، - دەدى يادرولىق فيزيكا ينستيتۋتىنىڭ باس ديرەكتورى.

بۇعان دەيىن اتوم ەنەرگەتيكاسى جونىندەگى اگەنتتىگىنىڭ ءتوراعاسى الماسادام ساتقاليەۆ ەلىمىزدە سالىنۋى مۇمكىن ا ە س- تەردىڭ ورنى تۋرالى پىكىر بىلدىرگەن ەدى.

اۆتور

ەسىمجان ناقتىباي