سارى اعاشتاعى 5 جاسار قىزدىڭ ءولىمى: بۇرىنعى سوت ءتوراعاسى، سۋديا قىزمەتىنەن بوساتىلدى
تۇركىستان. KAZINFORM - قازاقستان رەسپۋبليكاسى پرەزيدەنتىنىڭ جارلىعىمەن سارى اعاش اۋداندىق سوتىنىڭ بۇرىنعى ءتوراعاسى، سۋديا ن. شەتەنوۆ قىزمەتىنەن بوستالدى.
«سارى اعاش اۋداندىق سوتىنىڭ سۋدياسى شەتەنوۆ نۇرقازى بەكتاي ۇلى تارتىپتىك تەرىس قىلىق جاساعانى ءۇشىن سۋديا قىزمەتىنەن بوساتۋ قاجەتتىلىگى تۋرالى سوت جيۋريىنىڭ شەشىمى بويىنشا بوساتىلسىن» - دەلىنگەن قازاقستان رەسپۋبليكاسى پرەزيدەنتىنىڭ جارلىعىندا.
ايتا كەتەيىك، بۇعان دەيىن سارىاعاشتاعى 5 جاسار قىزدىڭ ولىمىنە قاتىستى پەدوفيلدى تەكسەرگەن پروباتسيا قىزمەتكەرى 2 جىلعا سوتتالعان بولاتىن. ول قىزمەت بارىسىندا پروباتسيالىق باقىلاۋداعى بۇرىن سوتتى بولعان ازاماتتى قاداعالاۋ بويىنشا ءتيىستى جۇمىس جۇرگىزبەدى دەپ ايىپتالدى.
اۆتور
قايرات زاينيشيەۆ
