سارى اعاش شيپاجايى جەكەنىڭ قولىنا وتە مە

استانا. KAZINFORM - پرەمەر- مينيستر ولجاس بەكتەنوۆ «سارى اعاش» ەمدەۋ- وڭالتۋ كەشەنى» شيپاجايىن جەكەشەلەندىرۋدىڭ كەشەندى جوسپارىنان الىپ تاستاۋ تۋرالى دەپۋتاتتىق ساۋالعا جاۋاپ بەردى.

ولجاس بەكتەنوۆ جاۋاپتا دەپۋتاتتىق ساۋالعا بەرگەن جاۋابىندا ۇكىمەتتىڭ الدىندا جەكەشەلەندىرۋ پروتسەسىن اياقتاپ، باسەكەلەس سالالارداعى مەملەكەتتىك كاسىپورىندار سانىنىڭ قايتادان وسۋىنە كەدەرگى بولاتىن نورماتيۆتىك شارتتاردى جولعا قويۋ مىندەتى تۇرعانىن ەسكە سالادى.

«بۇگىنگى تاڭدا وسى ماقساتتا باسەكەلەستىكتى قورعاۋ جانە دامىتۋ اگەنتتىگى جانىنان (تاۋەلسىز ساراپشىلاردى تارتا وتىرىپ) جەكەشەلەندىرۋ جونىندەگى ۇلتتىق وفيس قۇرىلدى. سونداي-اق جەكەشەلەندىرۋدىڭ 2021 - 2025 -جىلدارعا ارنالعان كەشەندى جوسپارىنا قوسۋ جانە ودان الىپ تاستاۋ تۋرالى ادىستەمە (2023 -جىلعى 25-جەلتوقسانداعى № 1177 قاۋلىمەن) بەكىتىلدى. تيىسىنشە، زاڭناما تالاپتارىنا سايكەس شيپاجايدى كەشەندى جوسپاردان الىپ تاستاۋ ماسەلەسى بويىنشا ادىستەمەدە كوزدەلگەن رەتتىلىك ساقتالۋعا ءتيىس. ادىستەمەگە سايكەس، باستاماشى ءتيىستى سالانىڭ ۋاكىلەتتى ورگانىنان جانە مونوپولياعا قارسى ورگاننان قورىتىندى الۋعا ءتيىس. ءوز كەزەگىندە، اگەنتتىك شيپاجايدى جەكەشەلەندىرۋدىڭ كەشەندى جوسپارىنان الىپ تاستاۋ ماسەلەسى ۇلتتىق وفيس جۇمىسى شەڭبەرىندە قاراستىرىلاتىنىن حابارلايدى. وسىعان بايلانىستى شيپاجايعا قاتىستى اتقارىلعان جۇمىستار تۋرالى اقپارات قوسىمشا ەنگىزىلەدى»، - دەپ جازادى ۇكىمەت باسشىسى.

اۆتور

ەسىمجان ناقتىباي