«سامۇرىق-قازىنا» QAZAQ AIR اكسيالارىن ساتىپ الۋ-ساتۋ شارتىنا قول قويىلعانىن حابارلادى
استانا. KAZINFORM - بۇل تۋرالى «سامۇرىق- قازىنا» اكسيونەرلىك قوعامىنىڭ باسپا ءسوز قىزمەتى حابارلادى.
باسپاءسوز قىزمەتىنىڭ مالىمەتتەرىنە قاراعاندا، 2024 -جىلعى 24-جەلتوقساندا «QAZAQ AIR» ا ق-ىن 2023 -جىلدىڭ سوڭىنا 81 ميلليارد ا ق ش دوللارىن قۇرايتىن قازاقستاننىڭ «سامۇرىق- قازىنا» اق ۇلتتىق ءال-اۋقاتتىڭ ەگەمەندى قورى (قور) جانە «Central Asia Aviation Holdings Limited» ج ك (Sovico Group JSC ۆەتنامدىق كونگلومەراتىنىڭ توبىنا كىرەدى) جانە «Kazasia Holdings Limited» ج ك قۇرامىنداعى كونسورتسيۋم اراسىندا باسەكەلەس ورتاعا بەرۋ شەڭبەرىندە مىندەتتى ترانزاكتسيالىق قۇجاتتار پاكەتىنە، ونىڭ ىشىندە ساتىپ الۋ-ساتۋ شارتىنا قول قويىلدى.
اتالعان شارالار قازاقستان رەسپۋبليكاسى ۇكىمەتىنىڭ «جەكەشەلەندىرۋدىڭ 2021-2025 -جىلدارعا ارنالعان كەيبىر ماسەلەلەرى تۋرالى» 2020 -جىلعى 29-جەلتوقسانداعى № 908 قاۋلىسىن ىسكە اسىرۋ شەڭبەرىندە جانە ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ 2024 -جىلعى 20-جەلتوقسانداعى جانە قوردىڭ ديرەكتورلار كەڭەسىنىڭ 2024 -جىلعى 24-جەلتوقسانداعى شەشىمدەرىنە تولىق سايكەس جۇزەگە اسىرىلدى.
ساتىپ الۋ- ساتۋ شارتى 2024 -جىلعى 27-جەلتوقساندا «QAZAQ AIR» اكسيونەرلىك قوعامىنىڭ اكسيالارىن باسەكەلەس ورتاعا بەرۋدىڭ كەيبىر ماسەلەلەرى تۋرالى» № 1130 قازاقستان رەسپۋبليكاسى ۇكىمەتىنىڭ جەكە قاۋلىسى قابىلدانعاننان كەيىن زاڭدى كۇشىنە ەندى.
بۇل رەتتە مامىلە جابىق بولىپ ەسەپتەلەدى، ال اكتسيالار تاراپتار كەلىسكەن بارلىق الدىن الا شارتتاردى ورىنداعاننان كەيىن ينۆەستورلاردىڭ مەنشىگىنە بەرىلەدى.
مامىلەنىڭ ماقساتى - ازاماتتىق اۆياتسيانىڭ وتاندىق نارىعىن ودان ءارى دامىتۋ، ونىڭ ىشىندە باسەكەلەستىكتى ارتتىرۋ، قازاقستان رەسپۋبليكاسىنان/رەسپۋبليكاسىنا حالىقارالىق تۇراقتى رەيستەردى قارقىنداتۋ، جۇمىس ورىندارىن قۇرۋ جانە ت. ب. ەسەبىنەن دامىتۋ. بۇل ەل ەكونوميكاسىنىڭ ارالاس سەكتورلارىنا دا وڭ اسەرىن تيگىزەدى دەپ كۇتىلۋدە.
Kazasia Holdings Limited، تولىعىمەن قازاقستاندىق كومپانيا، قورمەن بىرگە QAZAQ AIR سەرىكتەستىك جانە بىرلەسكەن باسقارۋ قۇرۋ ءۇشىن Sovico Group JSC ۇسىنعان بولاتىن.
مامىلەنىڭ نەگىزگى شارتتارى ساتىپ الۋ- ساتۋ شارتىنىڭ تالاپتارىنا سايكەس ينۆەستورلار وپەراتسيالىق تيىمدىلىكتى جانە ۇزاق مەرزىمدى ورنىقتىلىقتى ارتتىرۋعا نازار اۋدارا وتىرىپ، QAZAQ AIR ستراتەگيالىق ترانسفورماتسياسى مەن دامۋىنا ىقپال ەتەتىن بولادى.
وسىعان دەيىن Qazaq Air استانا - ەكاتەرينبۋرگ باعىتىنداعى اۋە رەيستەرىن ۋاقىتشا توقتاتاتىنىن مالىمدەگەن بولاتىن.
