«سامۇرىق-قازىنا» بيۋدجەتكە تيەسىلى ديۆيدەنتتەردى تولىق تولەمەي وتىر - نۇرلان نۇرجانوۆ

استانا. KAZINFORM - جوعارى اۋديتورلىق پالاتا مۇشەسى نۇرلان نۇرجانوۆ «سامۇرىق- قازىنا» اكسيونەرلىك قوعامىنىڭ بيۋدجەتكە ديۆيدەنت تولەۋ ساياساتىنداعى قۇيتىرقىلىقتاردى اتادى.

- كۆازيمەملەكەتتىك سەكتور بيۋدجەتكە ديۆيدەنتتەر رەتىندە 980 ميلليارد تەڭگە اۋدارعان. بۇل 2023 -جىلمەن سالىستىرعاندا 23 پايىز تومەن. «سامۇرىق-قازىنا» اكسيونەرلىك قوعامىنا جۇرگىزىپ جاتقان اۋديتتىڭ الدىن الا مالىمەتتەرى بويىنشا قوردان جىل سايىن تولەنەتىن ديۆيدەنتتىڭ مولشەرى جۇيە قۇراۋشى كومپانيالاردان عانا الىناتىنىن كورسەتتى. سوڭعى 5 جىلدا قور جۇيە قۇراۋشىلار تىزبەسىنە ەنگىزىلمەگەن كومپانيالاردان ديۆيدەنت رەتىندە 347 ميلليارد تەڭگە العان. ءبىراق ول ديۆيدەنتتەر بيۋدجەتتىڭ بولىنىسىنەن تىس قالعان، - دەدى ول.

نۇرلان نۇرجانوۆ «سامۇرىق-قازىنا» قورى رەنتابەلدىلىگى تومەن جانە كەلەشەگى ماردىمسىز ينۆەستيتسيالىق جوبالاردى ىسكە اسىرۋعا جول بەرگەن دەپ ەسەپتەيدى.

- سونىڭ سالدارىنان قوردىڭ 126 ميلليارد تەڭگەسى ءتيىمسىز پايدالانىلعان، - دەدى پالاتا مۇشەسى.

سونداي-اق، ول ۇكىمەت بىلتىر بيۋدجەتتىڭ شىعىس بولىگىن 13 رەت وزگەرتكەنىن اتاپ ءوتتى.

اۆتور

ەسىمجان ناقتىباي