«سامۇرىق- قازىنا» بيۋدجەتكە از قاراجات اۋداردى دەپ سىن ايتقان دەپۋتاتقا جاۋاپ بەردى
«سامۇرىق- قازىنا» ۇلتتىق ءال- اۋقات قورى نىڭ ەكونوميكا جانە قارجى جونىندەگى تەڭ باسقارۋشى ديرەكتورى ميرات وتەپوۆ ءماجىلىس دەپۋتاتى مارحابات جايىمبەتوۆتىڭ سىنىنا جاۋاپ بەردى، دەپ حابارلايدى Kazinform.

«كۆازيمەملەكەتتىك ۇيىمدار تازا كىرىسىنىڭ 70 پايىزى كولەمىندە اقشا ءبولۋ كەرەك دەگەن قاۋلى بار. ءبىراق ونىڭ قورعا قاتىسى جوق. قوردىڭ تىكەلەي اكسيونەرى – ق ر ۇكىمەتى. سوندىقتان تۇسكەن تازا تابىس ديۆيدەند ساياساتى ارقىلى اكسيونەرگە جولدانادى. ول تازا پايدادان ەمەس، قوردىڭ باس كەڭسەسىنە پورتفەلدىك كومپانيالاردان كەلىپ تۇسكەن ديۆيدەندتەردىڭ جارتىسىنان تولەنەدى. ساندار كەلتىرسەم: ماسەلەن، ءبىز وتكەن جىلى 500 ميلليارد تەڭگە ديۆيدەند جيناساق، سونىڭ 250 ميلليارد تەڭگەسىن ۇكىمەتكە تولەۋىمىز قاجەت. ال بىلتىر ءبىز (سامۇرىق- قازىنا قورى - اۆت. ) 250 ميلليارد ەمەس، 302 ميلليارد تەڭگە ديۆيدەند تولەدىك. ياعني 50 پايىزدىڭ ورنىنا 62 پايىز تولەدىك. وسىلايشا، قور بەكىتىلگەن ديۆيدەند ساياساتىن ارتىعىمەن ورىندادى»، - دەدى باسپا ءسوز ءماسليحاتىندا Kazinform ءتىلشىسىنىڭ ساۋالىنا جاۋاپ بەرگەن ميرات وتەپوۆ.
ەسكە سالايىق، تاياۋدا ءماجىلىس دەپۋتاتى مارحابات جايىمبەتوۆ «سامۇرىق- قازىنا» ۇلتتىق ءال- اۋقات قورىنىڭ مەملەكەتكە اۋداراتىن قاراجاتى تىم از ەكەنىن مالىمدەپ، دەپۋتاتتىق ساۋال جولداعان ەدى.
«2022 -جىلى «سامۇرىق- قازىنا» ۇلتتىق ءال- اۋقات قورى مەملەكەتكە بەرىلەتىن پايدانىڭ 70 پايىزىنىڭ ورنىنا تەك 10 پايىزىن عانا تولەگەن. ناقتىراق توقتالساق، 1 تريلليون 629 ميلليارد تەڭگە تازا تابىستىڭ 170 ميلليارد تەڭگەسىن قايتارىپ وتىر. ال تاپسىرما بويىنشا، بيۋدجەتكە 1 تريلليون 140 ميلليارد تەڭگە قايتارۋ قاجەت ەدى. ياعني، 970 ميلليارد تەڭگە مەملەكەت قازىناسىنا اۋدارىلماعان»، - دەدى مارحابات جايىمبەتوۆ ءوز ساۋالىندا.
اۆتور
ءاليحان اسقار