ساۋدا ءمينيسترى اۋەجايدا بيبىگۇل تولەگەنوۆاعا قاتىستى وقيعاعا پىكىرىن ءبىلدىردى

استانا. KAZINFORM - ساۋدا جانە ينتەگراتسيا ءمينيسترى ارمان شاققاليەۆ حالىق ءارتىسى بيبىگۇل تولەگەنوۆانى ۇشاققا وتىرعىزۋ كەزىندە بولعان وقيعاعا قاتىستى تۇسىنىك بەردى.

بۇعان دەيىن الەۋمەتتىك جەلىدە لەكا ساۆەليەۆا Air Astana اۋە كومپانياسىنىڭ پرەزيدەنتى پيتەر فوستەرگە اشىق حات جازعان.

ونىڭ مۇزمۇنىنا قاراساق، كومپانيا قىزمەتكەرلەرى حالىق ءارتىسى بيبىگۇل تولەگەنوۆانى ۇشاققا دەرەۋ وتىرعىزباعان جانە دورەكىلىك تانىتقان.

بۇل تۇرعىدا ا. شاققاليەۆ بولعان جايتقا قاتىستى مادەنيەت جانە اقپارات ءمينيسترى ايدا بالايەۆانىڭ پىكىرىن قۇپتايتىنىن ايتتى.

«بۇل تۇرعىدا ءتيىستى ەرەجەلەر بار ەكەنى تۇسىنىكتى، ءبىراق ماسەلەنىڭ ەتيكالىق جاعىنا دا قاراعان ءجون. ول كىسىگە ۇشاققا جەتۋ قيىن بولدى. مەنىڭ ويىمشا، وسى جاعدايدا اۋەجاي قىزمەتكەرلەرى تۇسىنىكپەن قاراپ، قولداۋ كورسەتۋگە بولار ەدى. اتاپ ايتقاندا، ءجۇرىپ-تۇرۋى قيىن كەز كەلگەن باسقا دا ادامدارعا قامقورلىقپەن قاراعانى ءجون»، - دەدى مينيستر سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ايتا كەتەيىك، Air Astana كومپانياسى حالىق ءارتىسى بيبىگۇل تولەگەنوۆامەن بولعان جايتقا قاتىستى تۇسىنىكتەمە بەردى.

اۆتور

رۋسلان عابباسوۆ