سۋ تاسقىنىنان قىرىلعان مال شىعىنى 100 پايىز وتەلدى - ا ش م

استانا. KAZINFORM - ەلىمىزدىڭ ءبىرقاتار وڭىرىندە تاسقىن سۋدان قىرىلعان مال شىعىندارى تولىقتاي وتەلدى. بۇل تۋرالى اۋىل شارۋاشىلىعى ۆيتسە-ءمينيسترى امانعالي بەردالين ءمالىم ەتتى.

Су тасқыны: Мал шығыны өтеліп жатыр
Коллаж: Kazinform, pexels

«جىل باسى مال يەلەرى ءۇشىن اۋىر بولدى، قالىڭ قار، تولاسسىز جاۋىن، تاسقىن سۋ. سۋ تاسقىنى باستالعان ساتتەن باستاپ مينيسترلىك جەدەل تۇردە شارالار قابىلدادى. اتاپ ايتقاندا، سۋ تاسقىنىنا قارسى ءىس-شارالاردى ۇيىمداستىرۋ جانە سالدارىن جويۋ تۋرالى رەسپۋبليكالىق شتاب 2024 -جىلعى 7-ساۋىردە تاسقىن سۋعا كەتكەن مال شىعىندارىن وتەۋدىڭ الگوريتمىن بەكىتتى. الگوريتم جەرگىلىكتى اتقارۋشى ورگاندارعا ۋاقىتىلى جەتكىزىلدى. ودان بولەك، مينيسترلىك اۋىل شارۋاشىلىعى سالاسىنداعى تابيعي سيپاتتاعى توتەنشە جاعداي سالدارىنان جەكە جانە زاڭدى تۇلعالارعا كەلتىرىلگەن زالالدى وتەۋ قاعيدالارىن ازىرلەدى»، - دەدى امانعالي بەردالين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

اتالعان الگوريتم مەن قاعيداتتارعا شىعىندى بيۋدجەتتەن جانە بيۋدجەتتەن تىس قاراجات ەسەبىنەن وتەۋ كوزدەلگەن.

«سۋ تاسقىنى كەزىندە 140 مىڭعا جۋىق مال قاۋىپسىز جەرگە كوشىرىلدى. بۇگىندە جەرگىلىكتى اتقارۋشى ورگانداردىڭ جەدەل دەرەكتەرى بويىنشا رەسپۋبليكادا 12450 مال قىرىلعان، بارلىق ولەكسە جويىلدى، زالال %100 پايىز وتەلدى»، - دەيدى ول.

اۆتور

داۋلەت ىزتىلەۋ

سوڭعى جاڭالىقتار