سۋ تاسقىنىنان ادام ءولىمى فاكتىسى تىركەلگەن جوق – ت ج م

استانا. KAZINFORM - توتەنشە جاعدايلار مينيسترلىگى سۋ باسقان وڭىرلەردە ادام ولىمىنە قاتىستى تۇسىنىك بەردى.

ۇكىمەت وتىرىسىنان كەيىن وتكەن باسپا ءسوز ءماسليحاتى بارىسىندا «سۋ تاسقىنى سالدارىنان قانشا ادام قايتىس بولدى جانە قانشا ادام ءىس-ءتۇسسىز جوعالدى؟ » دەگەن ساۋال قويىلدى.

«سۋ تاسۋى سالدارىنان قايتىس بولعان ادام جوق. الايدا سۋ كوتەرىلگەن كەزدە، ياعني اتىراۋ جانە اباي وبلىستارىندا تىركەلگەن جاعدايلار بار. قازىر ول ماسەلەمەن ىشكى ىستەر مينيسترلىگى اينالىسىپ جاتىر. وعان قاتىستى الدىن الا شەشىم شىعارۋعا ەرتە. ىشكى ىستەر مينيسترلىگى ءوز جاۋابىن بەرەدى»، - دەپ جاۋاپ بەردى توتەنشە جاعدايلار ۆيتسە-ءمينيسترى باۋىرجان سىزدىقوۆ.

سونداي-اق، توتەنشە جاعدايلار ۆيتسە-ءمينيسترى باۋىرجان سىزدىقوۆ ۇكىمەت وتىرىسىندا تاسقىن قۇرساۋىنداعى وڭىرلەردىڭ احۋالىن باياندادى.

ايتا كەتسەك، پرەمەر- مينيستر تاسقىن سۋ ايماقتارىنان قاجەت بولسا، حالىقتى ماجبۇرلەپ كوشىرۋ كەرەكتىگىن ايتقان ەدى.

اۆتور

داۋلەت ىزتىلەۋ