س ق و-دا تاعى ءبىر اسكەري قىزمەتشى ءولى تابىلدى

پەتروپاۆل. KAZINFORM - پەتروپاۆلدا ۇيلەردىڭ ءبىرىنىڭ جەرتولەسىندە قورعانىس ىستەرى دەپارتامەنتىنىڭ كەلىسىمشارت بويىنشا جۇمىس ىستەيتىن اسكەري قىزمەتشىسىنىڭ دەنەسى تابىلدى.

وقيعا 21-قىركۇيەككە قاراعان ءتۇنى پەتروپاۆلدا بولعان.

بۇل تۋرالى س ق و قورعانىس ىستەرى دەپارتامەنتىنىڭ باسپا ءسوز قىزمەتى ءمالىم ەتتى.

ءمالىم بولعانداي، وقيعا قىزمەتتەن تىس ۋاقىتتا بولعان.

«الدىن الا اقپارات بويىنشا كەلىسىمشارت بويىنشا اسكەري قىزمەتشى وتباسىلىق-تۇرمىستىق جانجال نەگىزىندە وزىنە-ءوزى قول جۇمسادى. وقيعا ورنىندا سۋيتسيد الدىندا جازىلعان حات تابىلدى. سەبەپتەرى مەن جاعدايلارى انىقتالۋدا. وسىعان بايلانىستى قىلمىستىق ءىس قوزعالدى»، - دەلىنگەن حابارلامادا.

ەسكە سالا كەتەيىك، بۇعان دەيىن 7-قىركۇيەكتە اقتاۋ قالاسىنداعى ق ر ق م اسكەري بولىمدەرىنىڭ بىرىندە ساربازعا وق ءتيىپ، قايتىس بولدى. باتىس وڭىرلىك اسكەري-تەرگەۋ باسقارماسى قاساقانا كىسى ءولتىرۋ فاكتىسى بويىنشا سوتقا دەيىنگى تەرگەۋدى باستادى. ال كەيىنگى 3 جىل 9 ايدا ۇلتتىق ۇلان قاتارىندا بورىشىن اتقارىپ جۇرگەن 11 سارباز مەرت بولعان.

ارىستا اسكەري قىزمەتشى تراۆماتيكالىق قارۋدان جاراقات العانىن جازعانبىز.

الماتىداعى اسكەري ينستيتۋتتا 44 جاستاعى سەرجانتتىڭ ءمايىتى تابىلدى.

اۆتور

باقىتگۇل اباي قىزى