س ق و- دا ءبىر تاۋلىكتە 400-دەن استام باسپانا سۋ استىندا قالدى

پەتروپاۆل. KAZINFORM - سولتۇستىك قازاقستان وبلىسىندا سۋ باسقان ۇيلەردىڭ سانى 2122-گە جەتتى. تاسقىن سۋ كىرگەن ەلدى مەكەندەردىڭ سانى ارتىپ كەلەدى.

س ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، وتكەن تاۋلىكتە 436 ۇيگە سۋ كىرگەن. ەڭ كوپ زارداپ شەككەن پەتروپاۆلدىقتار - 1105 ءۇي سۋ استىندا قالدى. قىزىلجار اۋدانىندا 867 باسپانا سۋعا كەتتى.

تاسىعان ەسىل وزەنىنىڭ سۋى تومەن قاراي كەتىپ بارادى. وتكەن تاۋلىكتە تاسقىن سۋ سوكولوۆكا، ۆيشنيەۆكا، ولشانكا، بولشايا مالىشكا ەلدى مەكەندەرىنە كىردى. مۇنداعى تۇرعىنداردى جەدەل تۇردە ەۆاكۋاتسيالاۋعا تۋرا كەلدى.

جالپى قازىرگى تاڭدا قاۋىپسىز جەرگە كوشىرىلگەن تۇرعىنداردىڭ سانى 10345 ادامعا جەتتى. ونىڭ 3 مىڭى وتكەن تاۋلىكتە ەۆاكۋاتسيالاندى. 10 مىڭعا جۋىق ادام تۋعان-تۋىستارىن پانالاعان.

ءۇي جانۋارلارى دا قاۋىپسىز جەرگە شىعارىلىپ جاتىر، ولاردىڭ جالپى سانى - 4 مىڭعا جۋىق.

سۋ تاسقىنى باستالعالى وڭىردە جول ۋچاسكەلەرىن 69 رەت شايدى. قازىرگى ۋاقىتتا 17-سىندە سۋ جاتىر، ونىڭ التاۋى - رەسپۋبليكالىق ماڭىزى بار اۆتوجولدار.

پەتروپاۆلعا كىرە بەرىستەگى «جەزقازعان- پەتروپاۆل» ا-16 اۆتوجولىنىڭ 954 ك م- ءنىڭ جارتى شاقىرىمىن سۋ باستى. تەرەڭدىگى - 75 س م. قازىر بۇل جەردە تەك جۇك كولىكتەرى عانا ءوتىپ جاتىر.

«چەليابى- نوۆوسىبىر» م-51 حالىقارالىق ماڭىزداعى اۆتوجولدىڭ 527-529 ك م سۋ باستى، ۇزىندىعى 2 ك م، تەرەڭدىگى 210 س م اسىپ كەتتى.

رەسپۋبليكالىق ماڭىزى بار ر-49 پەتروپاۆل اينالما جولىنىڭ 3-8 ك م، ۇزىندىعى 1 ك م، تەرەڭدىگى مەتر جانە وسى جولدىڭ 11-14 ك م - ۇزىندىعى جارتى ك م، تەرەڭدىگى - 25 س م - سۋدا قالدى.

س ق و- دا قاۋىپتى جاعداي ءالى دە ساقتالعان. سەرگەيەۆ سۋ قويماسىندا سۋ دەڭگەيى وتكەن تاۋلىكتە -29 س م- گە ءتۇستى، قازىر شامامەن %152 تولعان.

پەتروپاۆل سۋ قويماسىنىڭ دەڭگەيى كوتەرىلىپ كەلەدى. وتكەن تاۋلىكتە 57 س م- گە كوتەرىلىپ، %114,78 تولدى.

بۇعان دەيىن ەكى تاۋلىك سۋ بەرۋ توقتاپ قالعان پەتروپاۆلدا سۋمەن قامتۋدىڭ قالپىنا كەلتىرىلگەنىن ايتقان ەدىك.

سونداي- اق، پەتروپاۆلدا قۇتقارۋشىلار سۋ باسقان اۋماقتان ءۇي جانۋارلارىن شىعارىپ جاتىر.

اۆتور

اقەركە داۋرەنبەك قىزى