س ق و- دا بيىل 2 مىڭنان استام ادام كوشى-قون زاڭناماسىن بۇزعان
پەتروپاۆل. KAZINFORM - سولتۇستىك قازاقستان وبلىسىندا 6 مىڭنان استام شەتەلدىك ازامات جانە شامامەن 4,5 مىڭ ۋاقىتشا تۇرۋعا رۇقساتى بار ادام تىركەلگەن.
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بۇگىننەن باستاپ وبلىستا «ميگرانت-2025» جەدەل-الدىن الۋ ءىس-شاراسى ءوتىپ جاتىر. ماقسات - قازاقستان رەسپۋبليكاسىنىڭ كوشى-قون زاڭناماسىن بۇزۋ دەرەكتەرىن انىقتاۋ. وپەراتسياعا كوشى-قون قىزمەتىنىڭ ماماندارىمەن قاتار وبلىستىق پوليتسيا دەپارتامەنتىنىڭ جەدەل ۋاكىلدەرى مەن ۋچاسكەلىك پوليتسيا ينسپەكتورلارى دا جۇمىلدىرىلعان.
ءىس-شارا اياسىندا پوليتسيا بازارلار مەن قۇرىلىس نىساندارىن، اۋىلشارۋاشىلىق كاسىپورىندارىن، جەكە شارۋاشىلىقتاردى، سونداي-اق شەتەلدىكتەر ەڭبەك ەتەتىن جانە ۋاقىتشا تۇراتىن باسقا دا ورىنداردى تەكسەرەدى.
ەكى ايدىڭ ىشىندە وبلىس پوليتسەيلەرى ق ر كوشى-قون زاڭناماسىن بۇزۋدىڭ 2 مىڭنان استام دەرەگىن انىقتادى. ءتارتىپ ساقشىلارىنىڭ ايتۋىنشا، ەڭ ءجيى كەزدەسەتىن زاڭ بۇزۋشىلىقتاردىڭ ءبىرى - ەل اۋماعىندا بولۋ مەرزىمىن بۇزۋ، بۇل ءۇشىن 200-گە جۋىق شەتەلدىك اكىمشىلىك جاۋاپكەرشىلىككە تارتىلدى. سونىمەن قاتار وبلىستىڭ 77 تۇرعىنى شەتەلدىك قوناقتاردى قابىلداعانى تۋرالى ۋاقىتىلى حابارلاماعانى ءۇشىن جاۋاپقا تارتىلدى. ال بەس جۇمىس بەرۋشى شەتەلدىك ازاماتتاردى زاڭسىز جۇمىسقا تارتقانى ءۇشىن جاۋاپ بەردى.
بۇعان دەيىن س ق و- دا پروكۋرورلار قۇمار ويىنعا قۇنىققان مەملەكەتتىك قىزمەتشىلەردى جۇمىستان شىعارعاندىعىن جازعان ەدىك.
اۆتور
اقەركە داۋرەنبەك قىزى
