س ق و-دا اۋىل مەكتەبىنىڭ ۇزدىك وقۋشىسى انىقتالىپ، سىيلىققا ۆەلوسيپەد بەرىلدى

پەتروپاۆل. KAZINFORM - «اۋىل مەكتەبىنىڭ ۇزدىك وقۋشىسى-2024» بايقاۋىنىڭ قورىتىندىسى شىعارىلدى. جەڭىمپازدى انىقتاۋدا العاش رەت اۋىل مەكتەپتەرى اراسىندا وتكەن رەسپۋبليكالىق وليمپيادا قورىتىندىسى نەگىز بولدى. سولتۇستىك قازاقستان وبلىسىندا ماقسات ءومىربولاتوۆ ۇزدىك وقۋشى دەپ تانىلدى.

ماقسات ءومىربولاتوۆ ايىرتاۋ اۋدانىنداعى №1-ساۋمالكول ورتا مەكتەبىنىڭ 11-سىنىپ وقۋشىسى. بىلىمگە قۇمار بالا 5-سىنىپتان باستاپ قازاقستان تاريحىنا قىزىعۋشىلىق تانىتىپ، ۇستازدارىنىڭ قولداۋىمەن وسى كۇنگە دەيىن ءتۇرلى رەسپۋبليكالىق جارىستاردىڭ جەڭىمپازى اتاندى. وتكەن وقۋ جىلىندا بوزبالا اقتوبە قالاسىندا وتكەن جاس تاريحشىلاردىڭ رەسپۋبليكالىق زياتكەرلىك بايقاۋىندا جانە استانا قالاسىندا وتكەن اۋىل بالالارىنىڭ رەسپۋبليكالىق وليمپياداسىندا 1-ورىندى جەڭىپ الدى. سونداي-اق وسكەمەندە جالپى پاندەر بويىنشا وتكەن رەسپۋبليكالىق وليمپيادانىڭ جۇلدەگەرى. وسىلايشا جوعارى ناتيجە كورسەتكەن ماقسات ءومىربولاتوۆ س ق و بويىنشا اۋىلدىڭ ۇزدىك وقۋشىسى اتاندى. 

«قىزىلجار دارىنى» ورتالىعى مەن س ق و ءبىلىم باسقارماسى جاڭا وقۋ جىلىندا ۇزدىك وقۋشىعا باعالى سىيلىق - ۆەلوسيپەد سىيلادى.

س ق و ءبىلىم باسقارماسى باسپا ءسوز قىزمەتىنىڭ مالىمەتىنشە، قازاقستان بويىنشا وسىنداي نوميناتسيادا تەك 14 ادام عانا ماراپاتتالدى.

وقۋ-اعارتۋ ءمينيسترىنىڭ تاپسىرماسىمەن وتكەن وقۋ جىلىندا العاش رەت اۋىل مەكتەپتەرىنىڭ 9-11-سىنىپ وقۋشىلارى اراسىندا جالپى پاندەر بويىنشا رەسپۋبليكالىق وليمپيادا ءوتتى. ماقسات - قازاقستاننىڭ شالعاي ەلدى مەكەندەرىنەن دارىندى بالالاردىڭ قابىلەتتەرىن انىقتاۋعا جانە نىعايتۋعا باعىتتالعان. ءبىلىم دوداسى 13 ءپان بويىنشا وتكىزىلىپ، 3 كەزەڭنەن تۇردى. رەسپۋبليكانىڭ تۇكپىر-تۇكپىرىنەن 85,4 مىڭ وقۋشى قاتىسۋعا نيەت ءبىلدىردى. س ق و-دان 3,4 مىڭ وقۋشى تىركەلدى.

وليمپيادا «ءبىر كومپيۋتەر - ءبىر وقۋشى - ءبىر كامەرا» قاعيداتى بويىنشا ۇيىمداستىرىلدى. II كەزەڭ (وبلىستىق) جەلتوقسان ايىندا ءوتتى. تاپسىرمالار ونلاين-پلاتفورمادا ءداستۇرلى وليمپيادالىق تاپسىرمالار تۇرىندە ۇسىنىلدى. 

III كەزەڭنىڭ قاتىسۋشىلارى - 730 وقۋشى رەسپۋبليكالىق سىرتتاي مەكتەپكە قابىلداندى. قورىتىندى كەزەڭنىڭ قورىتىندىسى بويىنشا جەڭىمپازدار مەن جۇلدەگەرلەر انىقتالادى. س ق و بويىنشا جالپى 162 جۇلدەگەر. رەسپۋبليكالىق كەزەڭگە وبلىستان ءبىرىنشى جانە ەكىنشى ورىن العان 51 جەڭىمپاز قاتىسىپ، 5 التىن، 3 كۇمىس جانە 12 قولا مەدال الىپ، لايىقتى ونەر كورسەتتى. «ۇزدىك وليمپيادالىق ماراپات» نوميناتسياسى بويىنشا ءۇشىنشى دارەجەلى ديپلوممەن ماراپاتتالدى. 

اۆتور
اقەركە داۋرەنبەك قىزى