س ق و-دا 49 ادام كوروناۆيرۋسپەن اۋىردى

پەتروپاۆل. KAZINFORM - سولتۇستىك قازاقستان وبلىسىندا وتكەن جەتى ايدا 49 ادام كوروناۆيرۋس ينفەكسياسىن جۇقتىرىپ، دارىگەرلەردىڭ كومەگىنە جۇگىنگەن. بۇل وتكەن جىلدىڭ سايكەس كەزەڭىمەن سالىستىرعاندا 6,5 ەسە تومەن.

س ق و سانيتاريالىق-ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنشە، بىلتىر قاڭتار- شىلدە ايلارىندا كوروناۆيرۋس جۇقتىرۋدىڭ 317 جاعدايى تىركەلگەن. بيىل سىرقاتتانعانداردىڭ 42 سى - ەرەسەكتەر، ۇشەۋى - 15-17 جاس ارالىعىندا بولسا، قالعان تورتەۋى - 14 جاسقا دەيىنگى بالا.

«كوروناۆيرۋس ينفەكسياسى بويىنشا ەپيدەميولوگيالىق جاعداي قازىرگى ۋاقىتتا تۇراقتى. سوڭعى 3 ايدا - مامىر، ماۋسىم، شىلدەدە ك ۆ ي جاعدايلارى تىركەلگەن جوق. تۇماۋ، ءجىتى رەسپيراتورلىق ۆيرۋستىق ينفەكسيا، كۆي اۋرۋلارىنىڭ الدىن الۋ ءۇشىن بولمەنى ۇنەمى جەلدەتىپ وتىرۋعا، قولدى جۋۋ ءۇشىن ۇنەمى انتيسەپتيكالىق قۇرالداردى پايدالانۋعا، اۋرۋ ادامدارمەن بايلانىستى شەكتەۋگە، اۋرۋ بەلگىلەرى بار ادامدارمەن بايلانىستا بولعان كەزدە بەتپەردە پايدالانۋعا، ۋاقىتىلى مەديتسينالىق كومەككە جۇگىنۋگە كەڭەس بەرەمىز»، - دەيدى س ق و سانيتاريالىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ارمان كۇشباسوۆ.

بۇعان دەيىن س ق و-دا كوكجوتەلدەن ەم العان بالالاردىڭ سانى بەس ەسە ارتقانىن جازعان ەدىك.

اۆتور
اقەركە داۋرەنبەك قىزى