س ق و- دا 2 مىڭعا جۋىق جاس مەملەكەتتىك تاپسىرىس بويىنشا جۇمىسشى ماماندىقتارعا وقىپ جاتىر
پەتروپاۆل. KAZINFORM - سولتۇستىك قازاقستان وبلىسىندا جۇمىسشى ماماندىقتارعا وقىتاتىن 13 كوللەدج جۇمىس ىستەيدى.
س ق و ءبىلىم باسقارماسىنىڭ مالىمەتىنشە، وڭىردە جالپى 24 كوللەدج بولسا، سونىڭ بەسەۋى - جەكەمەنشىك. ماماندىقتار ءوڭىر ەكونوميكاسىنىڭ 11 نەگىزگى سالاسىن: اۋىل شارۋاشىلىعى، قۇرىلىس جانە كوممۋنالدىق شارۋاشىلىق، ونەركاسىپ، ەنەرگەتيكا، كولىك، اقپاراتتىق تەحنولوگيالار، ءبىلىم بەرۋ، دەنساۋلىق ساقتاۋ، مادەنيەت، قىزمەت كورسەتۋ سالاسى، اۋىل شارۋاشىلىعى ونىمدەرىن قايتا وڭدەۋدى قامتىعان. جالپى 67 ماماندىق جانە 105 بىلىكتىلىك بويىنشا وقىتىلادى.
- كوللەدجدەردى ءبىتىرىپ، ماماندىق الىپ شىققان جاستاردىڭ جۇمىسقا ورنالاسۋىن تالدايتىن بولساق، جالپى قۇرىلىس جۇمىستارىنىڭ شەبەرلەرى - %88، تەحنيك- ەلەكتريكتەر - 86، اۋىل شارۋاشىلىعى جابدىقتارىنىڭ سلەسار- جوندەۋشىلەرى - 86، اسپازدار - 81، ومارتاشىلار %80 جۇمىسقا ورنالاستى، - دەيدى باسقارما باسشىسى ايناگۇل سۇراعانوۆا.
جاس ماماندار ەڭبەك نارىعىندا باسەكەگە قابىلەتتى بولۋى ءۇشىن وبلىستا دۋالدى وقىتۋ قولعا الىنعان. بۇل جۇيە 21 كوللەدجدە 30 ماماندىق بويىنشا ەنگىزىلدى، 342 سەرىكتەس كاسىپورىنمەن كەلىسىم بار. مەملەكەتتىك تاپسىرىس بويىنشا ءبىلىم الاتىن 2406 ستۋدەنت نەمەسە %25 قامتىلعان.
- كوللەدجدەر مەن سەرىكتەس كاسىپورىندار اراسىندا بارلىعى 1,1 مىڭنان استام شارت بار. كاسىپورىنداردا وندىرىستىك تاجىريبەدەن 2347 ستۋدەنت ءوتتى، ونىڭ ىشىندە 996 ادام نەمەسە %42 ەڭبەكاقى الدى.
مەملەكەت باسشىسىنىڭ تاپسىرمالارىن ورىنداۋ ءۇشىن وبلىستىڭ 17 كوللەدجى وبلىستىڭ 17 ءىرى كاسىپورنىمەن مەموراندۋمدارعا قول قويدى، بۇل ەڭبەك نارىعىن سۇرانىسقا يە كادرلارمەن قامتاماسىز ەتۋگە جاردەمدەسەدى.
10 اۋىلدىق كوللەدجدە اۋىل شارۋاشىلىعى سالاسى ماماندارى ءۇشىن دۋالدى وقىتۋ ەنگىزىلدى. وندىرىستىك تاجىريبەدەن ءوتۋ كەزىندە الەۋمەتتىك ارىپتەستەر ستۋدەنتتەردى جۇمىس ورىندارىنا كولىكپەن جەتكىزىپ، ارنايى كيىممەن، ىستىق تاماقپەن قامتاماسىز ەتتى، - دەيدى ايناگۇل سۇراعانوۆا.
كوللەدجدەردى قارجىلاندىرۋعا بىلتىر 10482,9 ميلليون تەڭگە بولىنسە، بيىل وسى ماقساتقا 13248,3 ميلليون تەڭگە جوسپارلانعان. بيىل سونداي-اق جۇمىسشى كادرلەردى ازىرلەۋگە مەملەكەتتىك تاپسىرىستى %39- تەن %45 دەيىن ۇلعايتىلماق.
قازىر س ق و كوللەدجدەرىندە 11 مىڭنان استام ستۋدەنت وقيدى، ونىڭ ىشىندە 9,5 مىڭى نەمەسە %85 مەملەكەتتىك تاپسىرىس بويىنشا ءبىلىم الىپ جاتىر.
بۇعان دەيىن س ق و- دا 150 مىڭ ادامنىڭ جاردەماقىسى مەن زەينەتاقىسى وسكەنىن جازعان ەدىك.
اۆتور
اقەركە داۋرەنبەك قىزى
