س ق و-عا قونىس اۋدارىپ، كەيىن كوشىپ كەتكەن تۇرعىن ەندى 5,2 ميلليون تەڭگەنى ءۇش اي ىشىندە قايتارۋى ءتيىس

پەتروپاۆل. KAZINFORM - سولتۇستىك قازاقستان وبلىسىندا اقجار اۋداندىق مانساپ ورتالىعى مەن وڭىرگە قونىس اۋدارۋشى سوتتاستى.

جاۋاپكەر ت. وڭىرگە «ەڭبەك» مەملەكەتتىك باعدارلاما اياسىندا قونىس اۋدارعان. س ق و سوتىنىڭ مالىمەتىنشە، ول اقجار اۋداندىق مانساپ ورتالىعىمەن مەملەكەتتىك قولداۋ كورسەتۋ تۋرالى الەۋمەتتىك كەلىسىمشارتقا وتىرادى.

باعدارلاما شارتتارىنا سايكەس قونىس اۋدارۋعا سۋبسيديا وتباسىنىڭ ءاربىر مۇشەسىنە 70 ا ە ك مولشەرىندە بەرىلەدى. وسىعان بايلانىستى جاۋاپكەرگە 1,2 ميلليون تەڭگە تولەنگەن. سونىمەن قاتار جاۋاپكەردىڭ ەكونوميكالىق ۇتقىرلىق سەرتيفيكاتىن الۋ تۋرالى وتىنىشىنە بايلانىستى تاعى 4 ميلليون تەڭگە بەرىلدى.

الەۋمەتتىك كەلىسىمشارت تالاپتارىنا سايكەس، باعدارلاماعا قاتىسۋشى وتباسىمەن بىرگە قونىس اۋدارۋ ورنىنان كەتكەن جاعدايدا، الىنعان سۋبسيديالار سوماسى 60 اي ىشىندە رەسپۋبليكالىق بيۋدجەتكە قايتارىلۋى ءتيىس. سوتتالۋشى وڭىردەن كوشىپ كەتكەن.

ورتالىق ت.-عا بيۋدجەت قاراجاتىن ءوز ەركىمەن قايتارۋ تۋرالى حابارلاما جولداعان. سوتتالۋشى ەشقانداي شارا قولدانباعان. بيۋدجەت قاراجاتى قايتارىلماعان.

سول سەبەپتى تالاپكەر جاۋاپكەردەن رەسپۋبليكالىق بيۋدجەت ەسەبىنەن 5,2 ميلليون تەڭگە قاراجاتتى ءوندىرۋدى سۇراپ، تالاپ ارىزبەن جۇگىندى. ءىستى سوت تالقىلاۋىنا دايىنداۋ بارىسىندا تاراپتار تاتۋلاسىپ، بىتىمگە كەلدى.

ەندى بىتىمگەرشىلىك كەلىسىم بويىنشا جاۋاپكەر 3 اي ىشىندە تەڭ ۇلەستەرمەن مەملەكەتتەن العان اقشانى قايتارۋى ءتيىس.

ەستەرىڭىزگە سالايىق، س ق و بيىل 3144 قونىس اۋدارۋشىنى قابىلدايدى.

اۆتور

اقەركە داۋرەنبەك قىزى