س ءى م وكىلى گەرمانيادا جوعالعان قازاقستان ازاماتى تۋرالى پىكىر ءبىلدىردى

استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ باسپا ءسوز ءماسليحاتىندا گەرمانيادا جوعالعان قازاقستان ازاماتى تۋرالى پىكىر ءبىلدىردى.

Айбек Смадияров
Фото: ҚР ТИВ матбуот хизмати

«2024 -جىلعى 5 -ماۋسىمدا ماينداعى فرانكفۋرت قالاسىنداعى (گەرمانيا) قازاقستاننىڭ باس كونسۋلدىعىنا قازاقستان ازاماتتارىنان 2024 -جىلعى 3-ماۋسىمىندا قىزى جوعالىپ كەتۋىنە بايلانىستى ارىز ءتۇستى. باس كونسۋلدىق وسى ءىستى ءوتىنىش كەلىپ تۇسكەن ساتتەن باستاپ ەرەكشە باقىلاۋعا الدى. اقپارات تۇسكەن ساتتەن باستاپ ءبىزدىڭ ديپلوماتتار جەرگىلىكتى پوليتسياعا حابارلاسىپ، پوليتسيا ءوز كەزەگىندە جەدەل ىزدەستىرۋ ءىس-شارالارىن باستاپ كەتتى. ەلدىڭ قولدانىستاعى زاڭناماسىنا سايكەس، قىلمىستىق ءىستىڭ ءمان-جايى جاريا ەتىلمەيدى جانە وعان ءبىزدىڭ تىكەلەي ارالاسۋعا قۇقىعىمىز جوق»، - دەدى رەسمي وكىل.

ايتۋىنشا، قازاقستاندىق ديپلوماتتار جوعالعان قىزدىڭ تۋىستارىمەن تىكەلەي بايلانىستى.

«قازىرگى تاڭدا گەرمانيانىڭ سىرتقى ىستەر مينيسترلىگىنە بۇل ءىستى ەرەكشە باقىلاۋعا الۋ جانە بارلىق قولعابىس كورسەتۋ تۋرالى ارنايى حات جولداندى. جاقىن ارادا نەمىس تاراپىمەن بىرلەسىپ، تۋىستارىنا ۆيزا الۋعا جۇمىس جۇرگىزىپ جاتىرمىز»، - دەدى ايبەك سمادياروۆ.

اۆتور

ەسىمجان ناقتىباي

سوڭعى جاڭالىقتار