پرەزيدەنت تەلەراديوكەشەنى قىتايداعى مەديا فورۋمعا قاتىستى
استانا. KAZINFORM - پرەزيدەنت تەلەراديوكەشەنى بيىل 3-قاراشادا قىتايدىڭ فۋجيان پروۆينتسياسىنداعى فۋجوۋ قالاسىندا وتكەن «ءبىر بەلدەۋ - ءبىر جول» ب ا ق ىنتىماقتاستىعى فورۋمىنا قاتىستى، دەپ حابارلايدى Kazinform اگەنتتىگىنىڭ ءتىلشىسى.
فورۋمدى «حالىق» گازەتى مەن فۋجيان پروۆينتسياسىنىڭ ۇكىمەتى ۇيىمداستىردى. وعان الەمنىڭ 100 ەلىنەن كەلگەن 182 ب ا ق پەن ۇيىم وكىلدەرى جينالدى.
«ءبىر بەلدەۋ، ءبىر جول» باعىتىنداعى ورتاق ماقساتتار مەن كەلىسىم» تاقىرىبىنا ارنالعان جيىندا حالىقتار اراسىنداعى ءوزارا تۇسىنىستىكتى نىعايتۋ، كاسىبي بايلانىستى دامىتۋ جانە «ءبىر بەلدەۋ - ءبىر جول» باستاماسىن اقپاراتتىق تۇرعىدان جاريا ەتۋدەگى ب ا ق- تىڭ رولىنە ەرەكشە نازار اۋدارىلدى.
فورۋمدا پرەزيدەنت تەلەراديوكەشەنىنىڭ قۇرامىنا كىرەتىن «Kazinform» ح ا ا باسقارۋشى ديرەكتورى دانا رىسمۇحامەدوۆا ءسوز سويلەپ، ق ح ر ءتوراعاسى شي جينپيڭنىڭ «ءبىر بەلدەۋ، ءبىر جول» باستاماسىن العاش رەت 2013 -جىلى استانادا تانىستىرعانىن اتاپ ءوتتى.
پرەزيدەنت تەلەراديوكەشەنى مەن «حالىق» گازەتىنىڭ سەرىكتەستىگىنە 2024 -جىلى جاسالعان ىنتىماقتاستىق تۋرالى مەموراندۋم نەگىز بولعان. قۇجات اقپارات الماسۋدى كەڭەيتۋگە، قازاقستان مەن قىتاي، عىلىم، مادەنيەت، ەكونوميكا سالالارىنداعى جەتىستىكتەر جايلى، وڭىرلەردىڭ دامۋى جانە ەكى حالىقتىڭ تىنىس-تىرشىلىگى تۋرالى بىرلەسكەن ماتەريالدار دايىنداۋعا باعىتتالعان.
2025 -جىلعى مامىردا استانادا «حالىق» گازەتىنىڭ باستاماسىمەن وتكەن «ورتالىق ازيا - قىتاي» حالىقارالىق مەديافورۋمى ەكىجاقتى ىنتىماقتاستىقتى دامىتۋعا تىڭ سەرپىن بەردى. پرەزيدەنت تەلەراديوكەشەنى ءوڭىر ەلدەرىنىڭ ب ا ق وكىلدەرىن بىرىكتىرگەن بۇل جيىننىڭ تەڭ ۇيىمداستىرۋشىسى بولدى.
فورۋم اياسىندا پرەزيدەنتتىڭ تەلەراديوكەشەنى مۇشە «ءبىر بەلدەۋ، ءبىر جول» اقپاراتتىق جەلىسى (Belt and Road News Network, BRNN) كەڭەسىنىڭ ءتورتىنشى وتىرىسى دا ءوتتى.
كەڭەس جۇمىسىنا قاتىسۋ قازاقستاندىق تاراپتىڭ شەتەلدىك جەتەكشى رەداكسيالارمەن كاسىبي بايلانىسىن نىعايتىپ، حالىقارالىق اقپارات الماسۋ اياسىن كەڭەيتۋگە جانە قازاقستاننىڭ اقپاراتتىق كۇن ءتارتىبىن الەمگە تانىتۋعا مۇمكىندىك بەرەدى.
«ءبىر بەلدەۋ، ءبىر جول» اقپاراتتىق جەلىسى كەڭەسىنىڭ وتىرىسىندا پرەزيدەنت تەلەراديوكەشەنىنىڭ وكىلدەرى قاتىسۋشى ەلدەردىڭ ب ا ق اراسىندا جاڭالىقتار، فوتو جانە بەينەماتەريالدار الماسۋدى تۇراقتى جولعا قويۋدى، بىرلەسكەن تاقىرىپتىق جوبالاردى ىسكە قوسۋدى، سونداي- اق تاعىلىمدامالار، سەمينارلار مەن شەبەرلىك ساباقتارىن ۇيىمداستىرۋ ارقىلى جۋرناليستەردىڭ كاسىبي بايلانىسىن دامىتۋدى ۇسىندى.
