پرەزيدەنت رەسپۋبليكا كۇنىمەن قۇتتىقتاعان شەت مەملەكەتتەر باسشىلارىنا العىس ايتتى
استانا. KAZINFORM - پرەزيدەنت شەت مەملەكەتتەر باسشىلارىنىڭ ۇلتتىق مەرەكەمىزگە وراي جولداعان قۇتتىقتاۋلارىنا ريزاشىلىعىن ءبىلدىردى.
- رەسپۋبليكا كۇنىنە وراي جولداعان رياسىز قۇتتىقتاۋلارى مەن جىلى لەبىزدەرى ءۇشىن بارلىق مەملەكەتتەر جانە ۇكىمەتتەر باسشىلارىنا، سونداي-اق ءىرى حالىقارالىق ۇيىمداردىڭ جەتەكشىلەرىنە العىس ايتامىن. ەگەمەن ەلىمىزگە ارناعان ىزگى تىلەكتەرىڭىزدى حالقىمىز ريزاشىلىقپەن قابىلدادى، - دەپ جازدى مەملەكەت باسشىسى قاسىم-جومارت توقايەۆ X الەۋمەتتىك جەلىسىندەگى پاراقشاسىندا.
