پرەزيدەنت: NVIDIA باسشىسىنىڭ يدەيالارى ءبىز ءۇشىن ماڭىزدى
استانا. KAZINFORM - مەملەكەت باسشىسى قاسىم-جومارت توقايەۆ قازاقستان ەكونوميكاسىندا جاساندى ينتەللەكتىنى قولدانۋ جونىندەگى NVIDIA باسشىسىنىڭ ۇسىنىستارىن جوعارى باعالادى.
قازاقستان پرەزيدەنتى قاسىم-جومارت توقايەۆ X الەۋمەتتىك جەلىسىندەگى پاراقشاسىندا جازبا جاريالادى.
- دجەنسەن حۋانگقا اقوردادا وتكەن ناتيجەلى كەزدەسۋ جانە جاساندى ينتەللەكتىنى دامىتۋ، ونى قازاقستان ەكونوميكاسىندا، اسىرەسە اۋىل شارۋاشىلىعىندا ءىس جۇزىندە قولدانۋ ماسەلەلەرىن تالقىلاعانى ءۇشىن العىس ايتامىن. ءسىزدىڭ يدەيالارىڭىز بەن ۇسىنىستارىڭىز ءبىز ءۇشىن ۇلكەن پراكتيكالىق ماڭىزعا يە، - دەپ جازدى قاسىم-جومارت توقايەۆ.
ەسكە سالا كەتسەك، مەملەكەت باسشىسى قاسىم-جومارت توقايەۆ NVIDIA كومپانياسىنىڭ نەگىزىن قالاۋشى جانە پرەزيدەنتى دجەنسەن حۋانگتى قابىلدادى.
NVIDIA باسشىسى قازاقستاندى Physical AI الەمدىك حابىنا اينالدىرۋدى ۇسىندى.
وسىعان دەيىن امەريكالىق NVIDIA تەحنولوگيالىق كومپانياسى قازاقستاننىڭ جاساندى ينتەللەكتىنى دامىتۋعا قاجەتتى ەسەپتەۋ قۋاتىن ارتتىرۋ باعىتىنداعى جوبالار تۋرالى ماتەريال جاريالادى.
