پرەزيدەنت ۇلتتىق قاۋىپسىزدىك كوميتەتىنىڭ ءتوراعاسىنا ءبىرقاتار تاپسىرما بەردى
استانا. KAZINFORM - پرەزيدەنتكە ۆەدومستۆونىڭ جىل باسىنان بەرى اتقارعان قىزمەتىنىڭ نەگىزگى ناتيجەلەرى باياندالىپ، الداعى كەزەڭگە ارنالعان جوسپارى تانىستىرىلدى.
قاسىم-جومارت توقايەۆقا تەرروريزممەن، ەكسترەميزممەن، ەسىرتكى بيزنەسىمەن جانە ۇيىمداسقان قىلمىسقا قارسى كۇرەس اياسىنداعى قولعا الىنعان شارالار جونىندە ەسەپ بەرىلدى.
سىبايلاس جەمقورلىققا قارسى ءىس-قيمىل، سونداي-اق كيبەر جانە اقپاراتتىق قاۋىپسىزدىك ماسەلەلەرىنە ەرەكشە نازار اۋدارىلدى.
كەزدەسۋ سوڭىندا مەملەكەت باسشىسى ۇلتتىق قاۋىپسىزدىك ورگانى قىزمەتىنىڭ باعىتتارى بويىنشا ءبىرقاتار تاپسىرما بەردى.
پرەزيدەنت قاسىم-جومارت توقايەۆتىڭ توراعالىعىمەن قاۋىپسىزدىك كەڭەسىنىڭ كولىك-ترانزيت سالاسىن دامىتۋ ماسەلەسىنە ارنالعان شۇعىل وتىرىسى وتكەنىن جازعان ەدىك.
