پرەزيدەنت «حالىقتىق قۇرىلىس» باعدارلاماسىنا بولىنەتىن قارجىنى باقىلايتىن كوميسسيا قۇرۋدى ۇسىندى
استانا. KAZINFORM - مەملەكەت باسشىسى قاسىم-جومارت توقايەۆ «حالىقتىق قۇرىلىس» باعدارلاماسىنا بولىنەتىن بيۋجەت قاراجاتىنىڭ جۇمسالۋىن باقىلايتىن مەملەكەتتىك كوميسسيا قۇرۋدى ۇسىندى.
بۇل تۋرالى پرەزيدەنت X الەۋمەتتىك جەلىسىندەگى پاراقشاسىندا جازدى.
- 28-قازان كۇنى ءداستۇرلى جولداۋىمدا ايتقان «حالىقتىق قۇرىلىس» باعدارلاماسىن جۇزەگە اسىرۋ بارىسىندا بيۋجەت قاراجاتىنىڭ جۇمسالۋىن باقىلايتىن مەملەكەتتىك كوميسسيا قۇرۋ قاجەت دەپ سانايمىن. كوميسسيا قۇرامىنا ءبىرقاتار سالالىق ۆەدومستۆو باسشىلارى، قۇرىلتاي مەن ءماسليحاتتار دەپۋتاتتارى، حالىق كەڭەسىنىڭ مۇشەلەرى، قوعام قايراتكەرلەرى، بەلسەندىلەر، ۆولونتەرلەر، جۋرناليستەر كىرەدى، - دەلىنگەن پرەزيدەنت جازباسىندا.
ايتا كەتەيىك، بۇعان دەيىن پرەزيدەنت قاسىم-جومارت توقايەۆ «حالىقتىق قۇرىلىس» باعدارلاماسى اياسىندا وڭىرلەردە 70 كە جۋىق دەنساۋلىق ساقتاۋ نىسانى مەن 50 گە جۋىق ءبىلىم بەرۋ، سپورت جانە مادەنيەت مەكەمەسىنىڭ قۇرىلىسى باستالاتىنىن مالىمدەگەن ەدى.
ۇكىمەتكە جىل سوڭىنا دەيىن ناقتى جوبالاردىڭ باستاپقى ءتىزىمىن ازىرلەۋ تاپسىرىلعان.
