پرەزيدەنت ارمەنيا ەلىنىڭ باسشىلارىن تاۋەلسىزدىك كۇنىمەن قۇتتىقتادى

بۇل تۋرالى اقوردا ءمالىم ەتتى.

مەملەكەت باسشىسى ارميان حالقىنىڭ ۇلتتىق بىرلىگى مەن جاسامپاز رۋحىن، سونداي-اق ەلدىڭ حالىقارالىق ارەناداعى ابىروي-بەدەلىن پاش ەتەتىن بۇل ايتۋلى كۇننىڭ تاريحي ماڭىزى زور ەكەنىن اتاپ ءوتتى. قاسىم-جومارت توقايەۆ مەملەكەتارالىق ىقپالداستىق پەن ستراتەگيالىق سەرىكتەستىك ودان ءارى نىعايا تۇسەتىنىنە سەنىم ءبىلدىردى.

- قازاق-ارميان ىنتىماقتاستىعى ويداعىداي ءوربىپ، بىرلەسكەن كۇش-جىگەردىڭ ارقاسىندا ءمان-مازمۇنى تولىعىپ كەلەدى. بۇل ەلدەرىمىز اراسىنداعى دوستىق پەن ستراتەگيالىق سەرىكتەستىك رۋحىنا ساي. قازاقستاننىڭ ارمەنيامەن سان قىرلى بايلانىستى كۇشەيتۋگە نيەتتى ەكەنىن راستايمىن، - دەپ جازىلعان جەدەلحاتتا.

پرەزيدەنت ارمەنيا ەلى باسشىلارىنا مەملەكەتتىك قىزمەتتە تولايىم تابىس، ال دوستاس ارميان حالقىنا باق-بەرەكە تىلەدى.

بۇعان دەيىن پرەزيدەنت ءپۋتيندى مەملەكەتتىك دۋما سايلاۋىنىڭ وتۋىمەن قۇتتىقتادى.