پرەزيدەنت وبلىستار مەن قالالاردىڭ اكىمدەرىنە اۋماقتاردى اباتتاندىرۋ بويىنشا ءبىرقاتار تاپسىرما بەردى

استانا. KAZINFORM - پرەزيدەنت قاسىم-جومارت توقايەۆ وبلىستار مەن قالالاردىڭ اكىمدەرىنە اۋماقتاردى اباتتاندىرۋ، كوگالداندىرۋ جونىندە ءبىرقاتار تاپسىرما بەردى.

مەملەكەت باسشىسى سۋ تاسقىنىنا ۇشىراماعان وبلىستار مەن قالالاردىڭ اكىمدەرىنە كوشەلەردى تازارتۋ، كوگالداندىرۋ جانە ەلدى مەكەندەردىڭ اۋماقتارىن اباتتاندىرۋ ناۋقانىن باستاۋدى تاپسىردى. سونىمەن قاتار جولداردى رەتكە كەلتىرۋ مىندەتى جۇكتەلدى.

قاسىم-جومارت توقايەۆ بۇل جۇمىستارعا تۇرعىندار مەن ەرىكتىلەردى تۇراقتى تۇردە تارتۋ ماڭىزدى ەكەنىن اتاپ ءوتتى.

پرەزيدەنتتىڭ ايتۋىنشا، ەلدى مەكەندەر مەن قوعامدىق دەمالىس ورىندارىن كۇتىپ-باپتاۋ اكىمدەر قىزمەتىن باعالاۋدىڭ تاعى ءبىر ولشەمى بولماق.

جالپى، وڭىرلەردىڭ باسشىلارى قالالاردى لايىقتى جانە تارتىمدى جاعدايدا ۇستاۋ مادەنيەتىن ەنگىزۋى كەرەك.

اقمولا، اقتوبە، قوستاناي جانە س ق و اكىمدەرى پرەزيدەنتكە ەسەپ بەرگەنىن جازدىق.

اۆتور

ايدار وسپاناليەۆ