پرەزيدەنت ەۋروپا وداعىنىڭ قازاقستانداعى ەلشىسى كەستۋتيس يانكاۋسكاستى قابىلدادى
مەملەكەت باسشىسى ەۋروپا وداعىنىڭ قازاقستانداعى ەلشىسى كەستۋتيس يانكاۋسكاستى قابىلدادى. بۇل تۋرالى Kazinform اقورداعا سىلتەمە جاساپ حابارلايدى.
كەزدەسۋدە قازاقستان مەن ەۋروپا وداعى اراسىنداعى قارىم- قاتىناستاردىڭ باسىم باعىتتارى قاراستىرىلدى.
مەملەكەت باسشىسى قازاقستاننىڭ ەۋروپا وداعىمەن ستراتەگيالىق سەرىكتەستىگىن ودان ءارى نىعايتۋعا بەيىلدىلىگىن، سونداي- اق ەلىمىزدىڭ باستاماسىمەن قولعا الىنعان С5+ЕО فورماتى اياسىنداعى كوپجاقتى ىنتىماقتاستىقتى ودان ءارى ىلگەرىلەتۋگە نيەتتى ەكەنىن راستادى.
بۇدان بولەك، پرەزيدەنت ساياسي رەفورمالاردىڭ تابىستى جۇزەگە اسىرىلىپ جاتقانى تۋرالى ايتىپ، دەموكراتيانى نىعايتۋ ىسىندە قازاقستاندى قولداعانى ءۇشىن ەۋروپا وداعىنا ريزاشىلىعىن ءبىلدىردى.
كەزدەسۋ بارىسىندا اسا ماڭىزدى شيكىزات ماتەريالدارى، «جاسىل» ەكونوميكالىق ءوسىم، كولىك، لوگيستيكا جانە اۋىل شارۋاشىلىعى سالالارىنداعى ىقپالداستىققا ەرەكشە نازار اۋدارىلدى.
اۆتور
گۇلنۇر عازيز قىزى
