پرەزيدەنت قىتاي حالىق رەسپۋبليكاسىنىڭ ءتوراعاسىنا كوڭىل ايتتى
استانا. KAZINFORM - مەملەكەت باسشىسى قىتاي حالىق رەسپۋبليكاسىنىڭ ءتوراعاسىنا كوڭىل ايتۋ جەدەلحاتىن جولدادى، دەپ حابارلايدى اقوردا.
- جەدەلحاتتا شيزاڭ اۆتونوميالىق اۋدانىنىڭ شيگاسزە قالاسىندا بولعان جويقىن جەر سىلكىنىسى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزدى. سونىمەن قاتار پرەزيدەنت قاسىم-جومارت توقايەۆ قازاقستان حالقىنىڭ جانە ءوزىنىڭ اتىنان ق ح ر ءتوراعاسى شي جينپيڭ مەن جاقىندارىنان ايىرىلعان وتباسىلارعا، سونداي-اق دوستاس قىتاي حالقىنا كوڭىل ايتىپ، اپاتتا جارالانعانداردىڭ تەز ارادا ساۋىعىپ، وتباسىلارىنا ورالۋىنا تىلەكتەستىك ءبىلدىردى، - دەلىنگەن حابارلامادا.
ەسكە سالساق، شيزاڭ اۆتونوميالىق اۋدانى (قىتايدىڭ وڭتۇستىك-باتىسى) شيگاتسزە قالاسىنداعى دينجي ۋەزىندە ماگنيتۋداسى 6,8 بالدىق جەر سىلكىنىسى بولدى. سوڭعى مالىمەتتەر بويىنشا تابيعي اپات سالدارىنان 53 ادام كوز جۇمدى.
اينۇر تۋماكبايەۆا
اۆتور
