پرەزيدەنت قوعام قايراتكەرى سەيداحمەت قۇتتىقادامنىڭ وتباسى مەن جاقىن تۋىستارىنا كوڭىل ايتتى

استانا. KAZINFORM - پرەزيدەنت قاسىم-جومارت توقايەۆ بەلگىلى جۋرناليست، عالىم، قوعام قايراتكەرى سەيداحمەت قۇتتىقادامنىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتتى. بۇل تۋرالى اقوردانىڭ باسپا ءسوز قىزمەتىنەن ءمالىم ەتتى.

- سەيداحمەت رىسقوجا ۇلى ۇزاق جىلدار ۇلتتىق عىلىمنىڭ، وتاندىق جۋرناليستيكانىڭ دامۋىنا ەلەۋلى ۇلەس قوسىپ، ۇلاعاتتى ۇرپاق تاربيەلەدى. اينالاسىنا سىيلى ازاماتتىق بولمىسىمەن بارشانىڭ زور قۇرمەتىنە بولەنگەن سەيداحمەت رىسقوجا ۇلىنىڭ جارقىن بەينەسى ونى بىلەتىن جۇرتشىلىقتىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن، - دەپ جازىلعان جەدەلحاتتا.

تانىمال پۋبليتسيست، ساياساتتانۋشى، مەملەكەت جانە قوعام قايراتكەرى سەيداحمەت قۇتتىقادام 78 جاسقا قاراعان شاعىندا دۇنيەدەن وزدى.

1946-جىلى 9-مامىردا تۇركىستان قالاسىندا دۇنيەگە كەلگەن. ەڭبەك جولىن ديپلوماتيالىق قىزمەتتەن باستاعان بولاتىن. كەيىننەن رەسپۋبليكالىق باسىلىم - «اراي» جۋرنالىنىڭ، «ۆرەميا-ءداۋىر» جانە «ەپوحا» گازەتتەرىنىڭ باس رەداكتورى قىزمەتىن اتقاردى.

قازاقستاننىڭ ارداگەر جۋرناليسى، قازاقستاننىڭ ەڭبەك سىڭىرگەن قايراتكەرى، «ۆىزوۆ ۆرەمەني»، «ميراجي ي رەاليي»، «سلۋجەنيە ناتسي»، «كازاحسكايا دراما» اتتى كىتاپتاردىڭ اۆتورى. سونداي- اق ول رەسپۋبليكالىق، وداقتىق باسىلىمدارداعى، «ارگۋمەنت ي فاكتى»، «ۆوكرۋگ سۆەتا» سياقتى گازەتتەردەگى 500 اۆتورلىق ماقالا اۆتورى.

اۆتور

ەلميرا ورالبايەۆا