09:39, 14 - ناۋرىز 2024 | GMT +6
پرەزيدەنت قازاقستان حالقىن امال كۇنىمەن قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ امال كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
«ءاز-ناۋرىزدىڭ باستاۋى - امال كۇنى قۇتتى بولسىن! بۇل - حالقىمىزدىڭ ەجەلگى ادەت-عۇرپىن جاڭعىرتىپ، ءتول مادەنيەتىمىزدىڭ اجىراماس بولىگىنە اينالعان بىرەگەي ءداستۇرىمىز. وسى كۇنى ۇلتتىق بولمىسىمىز بەن قۇندىلىقتارىمىز ەرەكشە دارىپتەلەدى. ەل ىرىسى كوبەيە بەرسىن! جىل جاقسىلىعىمەن كەلسىن!» - دەپ جازدى پرەزيدەنت ءوزىنىڭ ح پاراقشاسىندا.
بۇعان دەيىن امال كۇنىندە كىم كىمگە بارىپ كورىسۋى كەرەك ەكەنى تۋرالى مالىمەت جاريالاعان بولاتىنبىز.
اۆتور
ەلميرا ورالبايەۆا
