18:07, 26 - جەلتوقسان 2024 | GMT +5
پرەزيدەنت قاسىم-جومارت توقايەۆ جوعارى ەۋرازيالىق ەكونوميكالىق كەڭەستىڭ شاعىن قۇرامداعى وتىرىسىنا قاتىستى
استانا. KAZINFORM - مەملەكەت باسشىسى لەنينگراد وبلىسىندا وتكەن جوعارى ەۋرازيالىق ەكونوميكالىق كەڭەستىڭ (ج ە ە ك) كەزەكتى وتىرىسىنا قاتىستى.
سامميتكە رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيا پرەمەر-ءمينيسترى نيكول پاشينيان (بەينەبايلانىس ارقىلى)، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، سونداي-اق ەۋرازيالىق ەكونوميكالىق كوميسسيا القاسىنىڭ ءتوراعاسى باقىتجان ساعىنتايەۆ قاتىستى.
جيىندا ەۋرازيالىق ەكونوميكالىق وداق اياسىنداعى ىنتىماقتاستىقتىڭ باسىم باعىتتارى مەن نەگىزگى مىندەتتەرى تالقىلاندى. سونىمەن قاتار سامميت قاتىسۋشىلارى ۇيىم قىزمەتىنىڭ وزەكتى ماسەلەلەرى جانە جەكەلەگەن اسپەكتىلەرى جونىندە پىكىر الماستى.
