12:20, 31 - تامىز 2024 | GMT +6
پرەزيدەنت مالايزيا كورولىن تاۋەلسىزدىك كۇنىمەن قۇتتىقتادى
استانا. KAZINFORM - پرەزيدەنت مالايزيانىڭ تاۋەلسىزدىك كۇنىنە وراي قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى قاسىم-جومارت توقايەۆ مالايزيا كورولى سۇلتان يبراگيمدى تاۋەلسىزدىك كۇنىمەن قۇتتىقتادى.
قازاقستان پرەزيدەنتى مالايزيانىڭ الەۋمەتتىك-ەكونوميكالىق باعىتتا جوعارى جەتىستىكتەرگە جەتكەنىن اتاپ ءوتتى. سونداي-اق ەكى ەل اراسىنداعى قارىم-قاتىناستاردىڭ قارقىندى دامىپ كەلە جاتقانىنا توقتالىپ، ىنتىماقتاستىقتى ودان ءارى نىعايتۋعا دايىن ەكەنىن جەتكىزدى.
قاسىم-جومارت توقايەۆ كورول سۇلتان يبراگيمنىڭ بارلىق باستاماسىنا تابىس، ال دوستاس مالايزيا حالقىنا باق-بەرەكە تىلەدى.
اۆتور
ەلميرا ورالبايەۆا
