پرەزيدەنت ۇكىمەتكە ەلدەگى بارلىق تۋريستىك باعىتتىڭ جاعدايىن رەتكە كەلتىرۋدى تاپسىردى
استانا. KAZINFORM - مەملەكەت باسشىسى ۇكىمەتكە قىسقا مەرزىم ىشىندە ەلدەگى بارلىق تۋريستىك باعىتتىڭ جاعدايىن رەتكە كەلتىرىپ، ولقىلىق جىبەرگەن لاۋازىمدى تۇلعالاردى جاۋاپكەرشىلىككە تارتۋدى تاپسىردى. بۇل تۋرالى پرەزيدەنت كەڭەسشىسى - باسپا ءسوز حاتشىسى رۋسلان جەلدىباي حابارلادى.
مەملەكەت باسشىسى حالىقتان كەلىپ تۇسكەن كوپتەگەن شاعىمعا بايلانىستى الاكول ماڭىنداعى ايگىلى تۋريستىك ايماقتىڭ دەمالۋشىلاردى قارسى الۋعا دايىندىعى تومەن ەكەنىنە ۇكىمەتتىڭ نازارىن اۋداردى.
اتاپ ايتقاندا، قاجەتتى تۋريستىك ينفراقۇرىلىم، قىزمەت كورسەتۋ مەن قاۋىپسىزدىك لايىقتى دەڭگەيدە قامتاماسىز ەتىلمەگەن.
ۇكىمەتكە قىسقا مەرزىم ىشىندە ەلدەگى بارلىق تۋريستىك باعىتتىڭ جاعدايىن رەتكە كەلتىرىپ، ولقىلىق جىبەرگەن لاۋازىمدى تۇلعالاردى جاۋاپكەرشىلىككە تارتۋدى تاپسىردى.
ايتا كەتەلىك الاكولگە اعىلعان تۋريستەر اعىنىنا بايلانىستى جولدا قاۋىپسىزدىك شارالارى كۇشەيتىلگەنى تۋرالى جازعان ەدىك.
