پرەزيدەنت كەن ورىندارىنىڭ ءونىمىن ءبولىسۋ كەلىسىمىن جاڭا شارت بويىنشا ۇزارتۋدى تاپسىردى

استانا. KAZINFORM - مەملەكەت باسشىسى قاسىم-جومارت توقايەۆ ۇكىمەتكە ءىرى كەن ورىندارىنىڭ ءونىمىن ءبولۋ جونىندەگى كەلىسىمدى ءتيىمدى ءارى جاڭا شارتتارمەن ۇزارتۋ ءۇشىن كەلىسسوزدەردى جانداندىرۋدى تاپسىردى.

Қашағаннан алғашқы мұнай партиясы Баку портына жіберілді
Фото: «ҚазМұнайГаз» баспасөз қызметі

- ءىرى كەن ورىندارىنىڭ ءونىمىن ءبولۋ جونىندەگى كەلىسىمدى ىسكە اسىرۋ ناتيجەسىندە قازاقستان جاھاندىق نارىققا قۋات كوزىن سەنىمدى جەتكىزۋشىگە اينالدى. سونىمەن قاتار قوماقتى ينۆەستيتسيالار ۇزاقمەرزىمدى جوسپارلاۋدى تالاپ ەتەدى. سوندىقتان ۇكىمەت ءونىمدى ءبولۋ جونىندەگى كەلىسىمدەردى ەلىمىزگە اناعۇرلىم ءتيىمدى ءارى جاڭا شارتتارمەن ۇزارتۋ ءۇشىن كەلىسسوزدەردى جانداندىرۋى قاجەت، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

سونداي-اق مەملەكەت باسشىسى بۇل جوبالار ەلىمىزدىڭ الەۋمەتتىك-ەكونوميكالىق دامۋىنا ايتارلىقتاي ۇلەس قوساتىنىن اتاپ ءوتتى.

ايتا كەتەيىك، قازىرگى تاڭدا ءىرى كەن ورىندارىنىڭ ءونىمىن ءبولۋ كەلىسىمىنە ساي جۇمىس ىستەپ جاتقان جوبالار قاتارىنا «تەڭىز»، «قاراشىعاناق»، «قاشاعان» سەكىلدى ءىرى مۇناي-گاز كەن ورىندارى بار.

ماسەلەن، «تەڭىز» كەن ورنىن يگەرۋگە قاتىستى كەلىسىمگە 1993 -جىلى قول قويىلدى. ول 40 جىلعا، ياعني 2033 -جىلعا دەيىن ەسەپتەلگەن. ءىرى كەن ورىندارىنىڭ ىشىندە ءبىرىنشى كەزەكتە وسى كەن ورنىنىڭ كەلىسىم مەرزىمى قارالادى.

سول سەكىلدى 2038 -جىلى «قاراشىعاناق»، 2042 -جىلى «قاشاعان» كەن ورىندارىنىڭ كەلىسىم مەرزىمى اياقتالادى.

كۇنى كەشە «قاشاعاننان» العاشقى مۇناي پارتياسى باكۋ پورتىنا جىبەرىلدى. قازاقستاندىق «Taraz» تانكەرى اقتاۋ پورتىنان جولعا شىقتى.

اۆتور

ەربول جانات

سوڭعى جاڭالىقتار