12:03, 30 - شىلدە 2024 | GMT +6
پرەزيدەنت جوعارعى سوت ءتوراعاسى اسلامبەك مەرعاليەۆتى قابىلدادى
استانا. KAZINFORM - قاسىم-جومارت توقايەۆقا سوت تورەلىگىندەگى وزەكتى ماسەلەلەر مەن سوت جۇيەسىن ودان ءارى جاڭعىرتۋ شارالارى تۋرالى مالىمەت بەرىلدى.
پرەزيدەنتكە سوت جۇيەسىن سيفرلاندىرۋ جانە داۋ تۋدىرمايتىن اكىمشىلىك قۇقىق بۇزۋشىلىق ىستەرى بويىنشا اۆتوماتتاندىرۋ جۇمىستارى جۇزەگە اسىرىلىپ جاتقانى جونىندە باياندالدى.
اسلامبەك مەرعاليەۆتىڭ ايتۋىنشا، ازاماتتىق جانە اكىمشىلىك ىستەر بويىنشا تاتۋلاستىرۋ راسىمدەرىن قولدانۋ كورسەتكىشى ءوسىپ كەلە جاتىر.
كەزدەسۋ سوڭىندا مەملەكەت باسشىسى سالا كادرلارىنىڭ ساپاسىن ارتتىرۋ، ازاماتتاردى سوت ارقىلى قورعاۋدى كۇشەيتۋ، زاڭ ۇستەمدىگىن قامتاماسىز ەتۋ جانە سوتتارعا دەگەن سەنىمدى ارتتىرۋدىڭ ماڭىزىن اتاپ ءوتتى.
اۆتور
اسحات رايقۇل
