پرەزيدەنت جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىقتى بەرۋ تۋرالى جارلىققا قول قويدى

استانا. KAZINFORM - مەملەكەت باسشىسى 2024 -جىلى قازاقستاندىق جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىقتى بەرۋ تۋرالى جارلىققا قول قويدى.

2024-جىلى قازاقستاندىق جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىق:

1) «پروزا» نوميناتسياسى بويىنشا «2026» شىعارماسى ءۇشىن ەسبول سوتسيالحانعا؛

2) «پوەزيا» نوميناتسياسى بويىنشا «بوز ۇشقات» ولەڭدەر جيناعى ءۇشىن جانىبەك باقىت ۇلى ءاليمانوۆقا؛

3) «دراماتۋرگيا» نوميناتسياسى بويىنشا «اپاتاي» درامالىق تۋىندىسى ءۇشىن اليشەر جەڭىس ۇلى ايتۋارعا؛

4) «بالالار ادەبيەتى» نوميناتسياسى بويىنشا «روكەت ەرا. سينوپسيس» پوۆەسى ءۇشىن اسەت جۇكەن ۇلى سىزدىقوۆقا بەرىلدى.

وسىعان دەيىن پرەزيدەنتتىڭ مادەنيەت سالاسىنداعى مەملەكەتتىك ستيپەنديانى بەرۋ تۋرالى وكىمگە قول قويعانىن حابارلادىق.